أطلبوا إلى رب الحصاد أن يرسل فعلة لحصاده . ربنا عياله تاهوا منه , عياله تاهوا منه وأنت تقوله يارب أنا حأردلك عيالك وأجيبهم لحد أحضانك وأشتغل معاك , تقدر تحب ربنا من غير ماتخدم أولاده ؟ , بتحب ربنا وتسيب أولاده ضايعين؟ والا بتحبه وتطبطب على أولاده . ربنا عايز يقود الناس إلى حياة التوبة ويطهر قلوب الناس من الدنس وأنت تقوله يارب أنا عايز أشتغل معاك فى هذا الموضوع وكل ما تعمله من أجل أولاد الله أنت تعمله من أجل الله نفسه , أنت تستطيع ترضى ربنا بأنك تأخذ بالك من أولاده. طيب تقدر تحب ربنا من غير ما تخدم أولاده ؟. فى آية جميلة يقولها يوحنا الرسول فى رسالته الأولى بيقول (أن كنت لا تحب أخاك الذى تراه فكيف تحب الله الذى لا تراه) , ده محبتك لأخيك جزء من محبتك لله , الله بيبنى الملكوت وبيدور على ناس يشتغلوا فى البناء , تقول أنا ماعرفش ... ماعرفش أخدم ... ماعرفش أشتغل , أسألك سؤال واحد هو أنت اللى حاتشتغل والا ربنا ؟, ده ربنا هو اللى حايشتغل الشغل كله , من بره باين أنك أنت فى الصورة لكن عمليا ربنا هو اللى بيشتغل , الخدمة ليست ذراع بشر , الخدمة دى عمل الله . شرف عظيم أنك تشتغل مع ربنا وتتلمذ على يد الله فى الخدمة وتشوف ربنا بيعمل أيه وأنت بتعمل معاه. شرف كبير ده مش صغير.
الحصاد كثير و الفعلة قليلون .
( من أحدى وعظات مثلث الرحمات البابا شنودة الثالث ذهبى الفم القرن العشرين)
تعليق بسيط جدا
يا ترى كام واحد سواء أسقف أو قمص إلى آخر سلسلة الخدام بنقابلهم فى كنائسنا أو فى حياتنا اليومية بيقولوا أنهم بيحبوا ربنا وسايبين أولاده ضايعين !!؟
07 - 09 - 2012, 05:59 PM
العرض الشجري