مش بسيطه خالص

[walaa farouk]

مش بسيطه خالص

ضحك عليك وبسطهالك و قالك... ( أفرح بحضور المسيح وارقص💃 ، وماتعترفش واكتم خطاياك واعترف لنفسك ) 💔👇
خطورة تبسيط الإيمان والايات سواء باستخدام الايه الأولى أو نص الايه أو تغير طريقه الكتابه

طب ما الإنجيل بيقولنا كونوا بسطاء كالحمام
يبقى عادى نبسط كل حاجه .... ده غلط ؟!!!

حتى دي كمان غلط 🤚
لانك جبت نص الايه بس ونشوف الايه نلاقيها بتقول 👌

"«هَا أَنَا أُرْسِلُكُمْ كَغَنَمٍ فِي وَسْطِ ذِئَابٍ، فَكُونُوا حُكَمَاءَ كَالْحَيَّاتِ وَبُسَطَاءَ كَالْحَمَامِ." (مت 10: 16).

خليك فرفوش وبسطها وماله لما نرقص واحنا بنرنم
أو بنصلي بلاش كأبه بقى داود نفسه رقص قدام التابوت

1_ داود رقص في الشارع مش في الهيكل
أو في اجتماع صلاه في الكنيسة ، مارقصش زي رقص سالومي
بنت هيروديا 💃🤦، ولكن عبر عن فرحته باستقباله للتابوت
زي طالب فرح بظهور نتيجته
، ولكن لم يذكر انه كل ما يصلي يقوم يرقص😏✋

وسؤال

ليه التلاميذ مارقصوش في حضور السيد المسيح ؟؟!
وهل من الطبيعي انه لو جه عندك ضيف مهم من الدوله
تقوم ترقص قدامه ؟؟!!!!!🤷🏻‍♀️🤦‍♀️

فما بالك وانت واقف قدام ملك الملوك ورب الارباب الذي ينبغي أن نمجده ونرفعه ونزيده علوا إلى الأبد ونقف بخشوع واحترام لحضوره

"لأَنَّهُ حَيْثُمَا اجْتَمَعَ اثْنَانِ أَوْ ثَلاَثَةٌ بِاسْمِي فَهُنَاكَ أَكُونُ فِي وَسْطِهِمْ»." (مت 18: 20).😍♥️

ويبقى الكتاب المقدس في ايدي وارقص إللى بيتقال قبل قرأته

" قفوا بخوف أمام الله، وانصتوا لسماع انجيله المقدس
، فصل شريف من بشارة معلمنا (……) البشير، بركاته على جميعنا.

وفين إحساسي بأولادى المخدومين لو فيهم حد تعبان أو حزين أو بعيد عن كنيسته اللى معلمنا بولس الرسول قال عنه

"مَنْ يَضْعُفُ وَأَنَا لاَ أَضْعُفُ؟ مَنْ يَعْثُرُ وَأَنَا لاَ أَلْتَهِبُ؟" (2 كو 11: 29).

فين إحساسي بيه وانا برقص في صلاتى ؟! 🥲💔
................................

طيب وفيها ايه بقى لما نقول للناس أعترف بينك
وبين نفسك وربنا فاحص القلوب والكلى وهو أعلم بالنوايا ؟؟!!! ....
خطر لأنه هو بنفسه قالنا كده 👇

"إِنِ اعْتَرَفْنَا بِخَطَايَانَا فَهُوَ أَمِينٌ وَعَادِلٌ، حَتَّى يَغْفِرَ لَنَا خَطَايَانَا
وَيُطَهِّرَنَا مِنْ كُلِّ إِثْمٍ." (1 يو 1: 9).

وقالنا كمان "مَنْ يَكْتُمُ خَطَايَاهُ لاَ يَنْجَحُ، وَمَنْ يُقِرُّ بِهَا
وَيَتْرُكُهَا يُرْحَمُ." (أم 28: 13).

إللي هيبسطها لك يبقى بيبسط لك طريقك للضياع.
.. زي بالظبط واحد أعمى وإللى بيمشيه واخدوا يرميه في حفره

الأرثوذكسية تعاليم مستقيمه استلمناها من آبائنا الرسل
والشهداء والقديسين اللى دفعوا حياتهم
علشان يوصلوا لينا الإيمان المستقيم
وبكده لازم نحافظ عليها 🤷🏻‍♀️😍

"وَأَمَّا أَنْتَ فَاثْبُتْ عَلَى مَا تَعَلَّمْتَ وَأَيْقَنْتَ
، عَارِفًا مِمَّنْ تَعَلَّمْتَ." (2 تي 3: 14).

راجع نفسك 🙏