زوادة اليوم : الذّاكرة /2023/9/25

[walaa farouk]

زوادة اليوم
الذّاكرة



بيخبّروا عن طلّاب بكلّيِّة الطبّ كانوا عم يتحادثوا مع بعض عن الذّاكرة،
وإذا كان من الممكن تحديد مكان وجودها، أكيد صار في شبه إجماع على وجود الذّاكرة في العقل البشريّ وبالتحديد بالحافظة
، في طالب إعترض على النّظريّة وقال :
الذّاكرة موجودة بقلب الإنسان مش بيعقلو، ويلّي بيأكّد نظريتي إنّو الإنسان بيشوف بعينو وبيحفظ براسو وكتار يلّي منشوفهن بعيونّا ومننساهن بس الإنسان بيحبّ بقلبو ومن الصّعب جدًا جدًا إنّو ينسى يلّي منحبّهن.

الزّوّادة بتقلّي وبتقلّك :

الله محبّة والقلب هوّي مصدر الحبّ، خلّينا نشوف بعيونّا ونحبّ بقلوبنا
، هيك منكون عم ننشّط ذاكرتنا الفكريّة والقلبيّة ومنقدر نحب أكتر ونحفظ أكتر، والله معك