|
 |
 |
 |
|
رقم المشاركة : ( 1 )
22 - 09 - 2023, 11:11 AM
|
|||||||||||
|
|||||||||||
 أعمل أيه؟ أعمل أيه لما بيكون قدامي اختيارين بعد ما قررت أمشي مع ربنا !🤷♂️ اختيار إني أعيش عادي - ما الكل بيعمل كده - ولا، اختيار إن أنا ابنه وفيه حاجات ماتنفعش! ف يا ترى أكدب وأحاول أهرب من الموقف الصعب ولا أقول الحقيقة والدنيا ممكن تبوظ؟ يا ترى ألف وأدور علشان مازعلش حد ولا أخلي كلامي بسيط ومباشر، بس ممكن يخسَرني؟ يا ترى أنا ممكن أخد قرار وأنا عارف إن نتايجه هتبقى صعبة وهتتعبني أنا واللي حواليَّ علشان بس هو ده القرار الصح، اللي مش هيوقعني في خطية ولا أعمل زي الناس ومافكرش غير في مصلحتي الشخصية؟ = جوايَّ كلام كتير زي: أنت ابنه ماينفعش تتصرف كده أنت مختلف ومميز لو كان المسيح هنا في الموقف دا، كان هيتصرف إزاي؟ = وفي نفس الوقت: أنت هتخسر مش هينفع تقول الحقيقة لأنها مُرة شكلك هيبقى وحش موقفك هيبقى صعب عايز أقولك إنه يمكن تلاقي في طريق تبعيتك للمسيح، ناس أو ظروف بتأثر عليك وبتحاول تهدم اللي أنت فيه، بتحاول ترجعك عن الطريق ده لكن إعرف إنه مكتوب👇 وَجَمِيعُ الَّذِينَ يُرِيدُونَ أَنْ يَعِيشُوا بِالتَّقْوَى فِي الْمَسِيحِ يَسُوعَ يُضْطَهَدُونَ. (٢ تيموثاوس ٣: ١٢) وده لأن👇 أَنَّنَا نَحْنُ مِنَ اللهِ، وَالْعَالَمَ كُلَّهُ قَدْ وُضِعَ فِي الشِّرِّيرِ. (١ يوحنا ٥: ١٩) فخليك ثابت في قرارك مهما كانت الحرب شديدة لأنه وعد إنه هيكون معاك وهتشوف إيده دايمًا بتسندك وهيكافئك بحياة أبدية مجيدة معاه. 
|
|
| قد تكون مهتم بالمواضيع التالية ايضاً |
| الموضوع |
| قربك يا رب مش دايمًا بيهزني من برّة لكن دايمًا بيحضني من جوّة |
| الوعي مش دايمًا مريح بس دايمًا صادق |
| مش دايمًا ثابت بس قلبي ميّال ليك دايمًا |
| فيه قلوب بتسندك حتى من بعيد |
| أيد ربنا اللى بتسندك |
العرض الشجري