|
 |
 |
 |
|
رقم المشاركة : ( 1 )
26 - 07 - 2023, 07:47 AM
|
|||||||||||
|
|||||||||||
|
شويه جمل يدمروا النفسيه  ……………………………. *دي خبطه صغيره مش مستاهله العياط ده كله *هي دي التعويره اللي عامل عليها الصويت ده كله!!! *بقولك ايه محدش قالك تعمل كده وتيجي بعدها تقع وتوجعلي دماغي *بقولك ايه شيل شيلتك * عاوز تعيط خش عيط في اوضتك ماتزهقنيش *محدش قالك تعمل انا مطلبتش منك تعمل حاجه *بقولك ايه انت هاطلع خنقتك في وشي لا انا مش ناقص *بص لما تبقي كويس ابقي اكلمك ( عارفين الجمل دي وفي غيرها كتير اوي فاكرينها جمل عاديه بتتقال واللي قدامك صغير او كبير بيستقبلها عادي لا صدقني متهايئلك انت ماتعرفش الجمل دي بتعمل ايه في حد صغير او كبير متوقع من اللي قدامه يحتمله او يتعامل معاه علي حسب حالته) الخبطه الصغيره في نظرك هي كبيره في نظر اللي اتخبطها لانه هو اللي اتخبط فهو اللي موجوع التعويره التافه في نظرك هي جرح في نظر اللي اتعورها كلمه شيل شيلتك كلمه تتقل الحمل ماتهونش علي اللي شايل كلمه عيط في اوضتك كلمه تخلي الحزن يوصل للاكتئاب مش الاوضه اللي هاتفرغ طاقه الحزن لكن حضنك هو اللي هاينهي الحزن جوه الشخص اللي بيبكي واللي مخنوق ويتقاله لما تبقي كويس هاكلمك لما يبقي كويس مش هايتكلم لاننا محتاجين لبعض واحنا في الحاله اللي مش كويسه شويه جمل انت فاكرها عاديه بس ماتعرفش ممكن تعمل ايه جوه نفس الصغير والكبير 
|
|
العرض الشجري