زوادة اليوم: الدّرس الصّعب : 18 / 6 / 2023 /

[souad jaalouk]

زوادة اليوم:
الدّرس الصّعب

بيخبّروا عن الفيلسوف بسكال بيوم من الإيّام سألو أحد الصَّحافيّين شو هوّي أصعب درس بحياتك؟

جاوب لمّا كنت تلميذ على مقاعد الدّراسة كنت إعتبر أصعب درس هوّي يلّي لازم إحفظو قدّم في فحص وإنجح، ولما كبرت اكتشفت إنّو الدّرس الصّعب هوّي يلّي لازم إنساه خصوصًا إذا كانت راسب فيه.

الزّوّادة بتقلّي وبتقلّك :

الحياة مدرسة وكل مرحلة من مراحلها فيها دروس صعب نحفظها ودروس صعب ننساها الأهم يلّي منتعلّم منها دروس، والله معكن