|
 |
 |
 |
|
رقم المشاركة : ( 1 )
19 - 03 - 2023, 09:22 PM
|
|||||||||||
|
|||||||||||
  مين فينا معداش بوقت بِعِد فيه عن ربنا زي الإبن الضال.. 😔 لكن المهم انه تقوم و ترجع زي ما عمل لما فاق لنفسه 🙏🏻 ١- "فَرَجَعَ إِلَى نَفْسِهِ".. لازم تعرف إنه لما تغلط ده عادي.. كل البشر بيغلطوا والغلط والخطية ده شئ سهل يتعمل.. لكن الصعب انه تاخد قرار متكملش في الغلط و ترجع لربنا.. ⛔ ودي أول خطوة ٢- تاني حاجة قال الإبن "أَقُومُ الآن وَأَذْهَبُ".. بعد متاخد القرار لازم تبدأ تنفذ خطوات وتقوم من الخطية أول ما تفوق من وقوعك فيها.. لأنك لو مقمتش دلوقتي هتستحلى الخطية ويوم ورا التاني انت مش هتعرف تقوم 🤷🏻♀️ ٣- "أَخْطَأْتُ إِلَى السَّمَاءِ وَقُدَّامَكَ.." الإعتراف بالخطأ بندم .. لما الأبن الضال رجع لأبوه مكنش بيقولها زي ما بنقراها عادي.. تخيل مشاعره واللي كان بيدور ف دماغه انه بس عاوز ابوه يقبله كعبد من كتر يأسه وصل تفكيره لكده.. 😢 وإعتذارك وندمك على الخطية بالطريقة دي بيحنن قلب ربنا جداً 💖 يمكن كانت أحسن هدية للإبن ده متوقعهاش حتي.. ان ابوه جري عليه وحضنه 🥰 وقبل ما الإبن يقوله "اِجْعَلْنِي كَأَحَدِ أَجْرَاكَ" أبوه حضنه وقال "أَخْرِجُوا الْحُلَّةَ الأُولَى وَأَلْبِسُوهُ ، وَاجْعَلُوا خَاتَمًا فِي يَدِهِ، وَقَدِّمُوا الْعِجْلَ الْمُسَمَّنَ، لأَنَّ ابْنِي هذَا كَانَ مَيِّتًا فَعَاشَ، وَكَانَ ضَالاًّ فَوُجِدَ." مهما كانت حالتك ربنا دايماً مستنيك ☺️🤗 واول ما تقرر تاخدله خطوة هو هيجري عليك ويقربلك ١٠٠ خطوة ♥️ "وَإِذْ كَانَ لَمْ يَزَلْ بَعِيدًا رَآهُ أَبُوهُ، فَتَحَنَّنَ وَرَكَضَ وَوَقَعَ عَلَى عُنُقِهِ وَقَبَّلَهُ." إنجيل ( لوقا 20:15 ) 
|
|
| قد تكون مهتم بالمواضيع التالية ايضاً |
| الموضوع |
| ارجع الي الله و الله سيتولي اصلاح كل شيء |
| جيد لي أن ارجع إلى الله لأحتمى فيه |
| ارجع الى الله |
| ارجع الي الله |
| ارجع الى الله من كل قلبك |
العرض الشجري