|
 |
 |
 |
|
رقم المشاركة : ( 1 )
03 - 03 - 2023, 08:29 PM
|
|||||||||||
|
|||||||||||
|
المرأة السامرية  يقرأ انجيل السامرية من إنجيل معلمنا يوحنا الأصحاح الرابع 3 مرات في الكنيسة القبطية الأحد الرابع من الصوم المقدس الأحد الثالث من الخمسين المقدسة انجيل السجدة الثالثة من صلوات السجدة لم يذكر الكتاب اسمها ولكن بحسب التقليد الكنسي يذكر اسمها فورتين أو فورتينا تعالوا النهاردة نتأمل في شخصية السامرية ونشوف نتعلم منها ايه؟ 1- السامرية والسمعة السيئة كانت أكبر ما يطارد السامرية السمعة السيئة منها السامرة والعداء بين السامرة واليهودية حتى ان إسرائيل مقسمة الجليل والسامرة واليهودية وكان لليهودي علشان يروح من اليهودية للجليل أو العكس لا يعبر للسامرة بل كان يعبر سلسلة جبال حتى لو كانت الطريق صعبة أسهل من أنه يعبر للسامرة وده اللي خلاها تملى جرة الماء في وقت الظهيرة علشان محدش يشوفها ويوبخها 2- السامرية الباحثة السامرية ظلت تبحث عن شيء معين مش لاقياه تزوجت خمس ازواج ووجدت ان الزواج لم يشبعها فعاشت مع السادس بلا زواج ربما عاشت مخدوعة في ازواجها لكنها كانت تبحث عن شيء معين في داخلها 3- السامرية والمعرفة في بداية كلامها مع رب المجد يسوع تدرجت في معرفته الأول كان كلامها كيف تطلب مني لتشرب وأنت يهودي وأنا إمراة سامرية واليهود لا يعاملون السامريين بعد كده تطور كلامها وأري أنك نبي بعد كده تطور كلامها بأن المسيا المنتظر لما يجي هيعلمنا بعد كده أمنت أنه مخلص العالم 4- السامرية الكارزة برغم انها كانت خايفة من الناس لكن لما عرفت المسيح له المجد وذاقت محبته كان لازم تبشر بيه علشان الناس تدوق محبته ذوقوا وانظروا ما أطيب الرب تركت جرتها وجريت على الناس تبشرهم بالمخلص اللي قالها على كل ما فعلت تعالوا نطبق اللي اتعلمناه 1- مهما كانت سمعتك قدام الناس ومهما كانت فكرة الناس عنك وحشة يسوع يحبك وممكن يجيلك لغاية عندك ويبعتلك اللي يطلبك ويسخر في طريقك كل السبل لخلاصك بس انت افتح الباب ليه 2- يسوع يعرف احتياجك لكن اطلب منه اطلب خلاصك - اطلب خلاص غيرك اطلب من أجل غيرك حتى لو كان مختلف معك في جنسك و في دينك وفي فكرك 3- انمو في معرفة المسيح له المجد بالدراسة وقراءة كلمة ربنا اجعل دايما في يومك اية تلهج فيها طول اليوم واحفظ الايات علشان تكون صلاتك الارتجالية مطعمة بالأيات 4- لما ربنا يعمل في حياتك عمل عجيب فرح الناس بالعمل طول ما انت موجود في مكان احكي عن اعمال ربنا العجيبة الناس مستنية نطقة امل اربطهم بالمسيح صانع الأمل 
|
|
العرض الشجري