صلاة صلّيها النَّهارده لشخص غالي عليَّك ..
يا رب --
إنت عارف هو بيحبَّك أد إيه ..
يمكن بقالُه فترة بعيد عن محضرك لأسباب كتيرة
مشغوليَّة يمكن ، خطيّة يمكن ، مُحبَط جايز ..
كميّة ضغوط كتيرة بتفقده شغفُه وبتطفي أشواقُه ليك
يمكن عنده إرادة وعاوز يقرَّبلك بس فاقد القٌدرة انه يجيلك
مسؤوليَّات كتير على كتفه بيحاول يعملها بس مُرهَق
كمان انا متأكِّد انك مقدَّر احتياجه للحب والتقدير
واحتياجه لأشخاص يعرف يكون نفسُه وسطهم بدون رتوش
أحيانًا بيسدِّد احتياجاته بطريقة غلط لمجرَّد انه يلاقيه
وأوقات بيفوق ويتوب ويرجع عن غلطُه رغم احتياجه
بصلّي عشانه عشان يرجع تاني بقوّة ليك ولمحضرك ..
يقعد عند رجليك قُدَّام كلمتك يتعلِّم منك ويتشفي من إيديك
تتلامس مع الواقع بتاعه وتتكلِّم معاه وتدّيله نُصرة على نفسه
وكمان يرجع تاني لكنيستك ويتدفّى بشعبك ويسبِّحك وسطيهم
آمين
