انت الامان يا رب انا هفضل صابر و مستني و ماسك في الأمر بتاعك انت

[walaa farouk]

الامان في ربنا الي جواك انت. الي حاطة جواك انت.
قوله يا رب انا مش همشي في سكة مافيهاش امان.
مش همشي في سكة فيها خداع تاني.
مش هسيب نفسي مضحوك عليا.
مش هسيب نفسي يا رب يضحك عليا بكلمة ولا بضحكة ولا حتى بدمعة و لا حتى بطبطبة .
ولا يتضحك عليا بشكل و منظر. ولا يتضحك عليا بلمة كدابة.
ولا بقعدة كدابة .
ولا يتضحك عليا بكلام حلو.
انا مش هيتضحك عليا تاني .
انا هقيس كل أمر في ايدك. انت الامان بتاعي .انت الي
هاجي اقولك دة ينفع ولا ما ينفعش .
هاجي اقولك ينفع امشي في السكة دي ولا ما ينفعش .
انت الامان في طرق تبان للناس كلها أنها مستقيمة لكن عاقبتها الموت .
أيوة يا رب طريقك ضيق و صعب لكن رحيم .
طريقك ما فيهوش إهانة .
طريقك ما فيهوش ذل.
طريقك مفيهوش جرح .
طريقك مفيهوش أن يداس عليا و علي قلبي و علي مشاعري و علي أفكاري
.طريقك فيه رجاء مفيهوش يأس .
طريقك يا رب فيه أبوه .
طريقك فيه صداقة .
طريقك فيه إخوة .
طريقك في كل شئ انا محتاجة حتى لو كان ضيق .
مشيت يا رب في طرق واسعة كتير ضيعت عمري كله في كدب و غش
و خداع مع ناس سلبوا مني قوتي و نفسي و روحي.
انا من النهاردة مش ها امشي السكة دي.
انا الي يعيش معايا يا يعيش زيي مع المسيح يا ما يعش.
مش هتخدع تاني و مش هسلم قلبي تاني و مش هسلم مشاعري تاني
و مش هسلم أفكاري تاني. مش هسلم حقوقي تاني .
مش هدي حد حاجة مش من حقه .
قوله يا رب انت الامان.
ولو انت يا رب بعتلي في حياتي ناس يفتحوا عيني انا محتاج اكتر من كدة كمان .
ساعدني ان الي اشوفه مرجعش ليه تاني.
انت الامان يا رب انا هفضل صابر و مستني و ماسك في الأمر بتاعك انت .
(مش حاسس بأمان)