|
 |
 |
 |
|
رقم المشاركة : ( 1 )
19 - 01 - 2023, 11:08 PM
|
|||||||||||
|
|||||||||||
 كان قاعد محتار … زهقان … بيبص بنص عين ….. بيبربش كدة علشان يجيب اخر الوادي بيضرب بعصايته شمال ويمين …… شوية بنرفزة وشوية بيشخبط علي الارض بيرسم ماضيه . باصص للسماء والجبال بيفكر بعد ما كان ليه هيبه كبيره في قصر فرعون بقي عنده دلوقتي ٨٠ سنة ووصل للولا حاجة.... بؤس ... انت فاهم يعني ايه ولا حاجة ؟! هو كان قصده يساعد …بس اتصرف غلط …. موسي بعد ما كان امير …هرب من فرعون …خائف وقلقان ، وقعد ٤٠ سنة بيرعي غنم .…. . غنم حماه ... غنم بس !! احساس بالاحباط صعب جدا جدا انا سامع صوت تنهيدته من هنا ... حاسس بخنقته. اكيد كان بيسأل ايه اخر الموضوع دا ؟! ...طيب ليه ؟! ...كان بيقول : أنا كانت نيتي خير .. .ليه يحصل كدا ؟!! يمكن في الفترة دي كان فاكر انه متروك …. مشاعره كانت سلبية وصعبة …. محدش مهتم بيه او يمكن بيفكر ان ربنا ناسيه ! +++ لكن عين ربنا كانت عليه بتحفظه وتحرسه كان ربنا بيرتب في الفترة دي حياته تفكيره طباعه بلغتنا كده…بيسويه كان بيجهزه لحاجة كبيرة وعظيمة جدا ... .ويبدل الحال من موسي راعي الغنم لموسي النبي العظيم في بني اسرائيل ❤ +++ وانت كمان يا صديقي …في كل امور حياتك وفي كل المصاعب اللي بتواجهها … انتظر ربنا ….تأكد ان ليه هدف اكبر في حياتك …. يمكن انت مش شايفه …بس ابوك الحنين عارفه . خليك واثق فيه ، وعينك ثابته عليه. هو بيرتبها بطريقته ..متعولش الهم .. خليك امين معاه ولما ينده عليك قوله "هأنذا" فَلَمَّا رَأَى الرَّبُّ أَنَّهُ مَالَ لِيَنْظُرَ، نَادَاهُ اللهُ مِنْ وَسَطِ الْعُلَّيْقَةِ وَقَالَ: «مُوسَى، مُوسَى!». فَقَالَ: «هأَنَذَا».خر٣ #موسي ارمي_الحمل_عليه راعي_غنم يهمه_خلاصك ايده_بتغير الدولار بيرتبها_بطريقته 
|
|
العرض الشجري