|
 |
 |
 |
|
رقم المشاركة : ( 1 )
17 - 01 - 2023, 09:56 AM
|
|||||||||||
|
|||||||||||
 من الآيات اللي حفظناها من وإحنا أطفال "وَأَنَا أَقُولُ لَكُمُ: اسْأَلُوا تُعْطَوْا، اُطْلُبُوا تَجِدُوا، اِقْرَعُوا يُفْتَحْ لَكُمْ." ( لو ٩:١١ ) هى آية مشجعة جداً بصراحة بس مشكلتي لما كبرت في كلمة "كل" لأَنَّ "كُلَّ" مَنْ يَسْأَلُ يَأْخُذُ، وَمَنْ يَطْلُبُ يَجِدُ، وَمَنْ يَقْرَعُ يُفْتَحُ لَهُ. أنا كتير سألت و مأخدتش وطلبت موجدتش وخبطت وماتفتحليش. وبقيت في وقت باحس إن فعلاً فيه حاجات كنت باصدقها بس بإيمان الأطفال لأن محكات الحياة كل يوم بتقول إن ده مش حقيقي .... النهارده عيني نورت بشكل مختلف إن الله كان وما زال بيستجيب ل"كل" إحتياجاتي مش شرط كل طلباتى.... "كل" مرة سألت إنى محتاجة حاجة . .. أخدت أكتر حاجة مفيدة ليا الوقت ده. "كل" مرة كنت باطلب او بابحث عن حاجة ... كنت باوصل للي هيفيد نظرتي الكاملة ... وكنت بابعد عن معرفة اللي ممكن يعطلني. "كل" مرة كنت باخبط على أبواب .. كان بيتفتحلي كل باب يطمني ويحاوط عليا واللى بيأذينى فضل مقفول. إدي نفسك وقت تفكر فى اللي فات وتشكر على "كل " اللي شوفته في سكتك شكراً يارب إن كلامك ووعودك أمينة للآخر 🙏🙏🙏للآخر 🙏🙏🙏 
|
|
العرض الشجري