|
 |
 |
 |
|
رقم المشاركة : ( 1 )
29 - 12 - 2022, 08:20 PM
|
|||||||||||
|
|||||||||||
 "هو الخروف كان عارف يرجع!" "يعني ايه!" "المِثال بيقول إن كان فيه خروف ضاع من الراعي ، إتحاوط بالشوك و إتحبس و ماعرفش يطلع غير لما الراعي جه و خرجه بإيده." "معني كلامك ايه؟" "الخروف ماكنش قادر يعمل محاولات عشان يرجع للراعي بتاعه. مش يمكن كان عايز يرجع مش يمكن كان بيعيط عشان يرجع بس الشوك مكتفه و مش قادر! الخروف مش بيتكلم اه بس أنا بتكلم لكن برضو مش قادر أرجع! أنا كمان عايز أرجع أنا بعيط عشان أرجع" "ايه اللي مانعك؟" "أنا حر طليق مش متكتف بشوك بس مربوط بحاجات أقوي مربوط بإرادة ضعيفة مربوط بإحساسي إني غير مُستحق مسيطر عليا إحساس بإن الراعي نفسه رافضني! متكتف من خبرات سيئة في الماضي." "حاول." "فيه حاجات جوايا كتير انكسرت و مش عارف أصلحها مش عارف أرَجع اللي كان مش عارف أرْجَع لعشرة زمان العشرة اللي كانت بيني و بينه كُنا صحاب حلوين كُنت بحكي ليه عن كُل حاجة، أنا ماليش صُحاب! ماكنش ليا حد أحكي معاه. هو الوحيد اللي كُنت بصارحه بكُل مشاعري من بعد الصحوبية اللي انكسرت بيني و بينه، ماعادش ليا صحاب!" "عايز ايه من كلامك ده؟" "أنا عايز أرجع يعتبرني خروف متكتف بيعيط، يدور عليه و يرجعه. يشيله على كتفه و يرجع بيه. مره سمعت جُملة بتقول أرجع ليا، تلاقيني رجعت ليك. أنا محتاجه يرجع فيا و جوايا من تاني، هو لو رجع ليا أنا ماهصدق و همسك فيه زي الأول من تاني." "حابب توجه ليه كلمة أخيرة!" "آلهي حبيبي، عايز أرجع.. رجعني ليك." 
|
|
العرض الشجري