|
 |
 |
 |
|
رقم المشاركة : ( 1 )
13 - 10 - 2022, 08:21 PM
|
|||||||||||
|
|||||||||||
 الله أمر الملك شاول بوضوح وقاله "روح حارب عماليق وماتاخدش غنيمة.. إفنيهم كلهم حتى البهايم ماتخليش حاجة خالص" شاول والشعب بقى عملوا فيها ناصحين، وأخدوا الغنم والبقر الحلوين الكويسين ودبحوا الباقي كله. ولما الله غضب على شاول بسبب كدة وبعتله صموئيل يوبخه، شاول حاول يبرر ويقاوح فكان الرد بتاعه.. "دا إحنا أخدناهم علشان نقدم بيهم محرقات للرب، هنقدمهم ذبايح" صموئيل رد بالآية المعروفة: "هَلْ مَسَرَّةُ ٱلرَّبِّ بِٱلْمُحْرَقَاتِ وَٱلذَّبَائِحِ كَمَا بِٱسْتِمَاعِ صَوْتِ ٱلرَّبِّ؟ هُوَذَا ٱلِٱسْتِمَاعُ أَفْضَلُ مِنَ ٱلذَّبِيحَةِ، وَٱلْإِصْغَاءُ أَفْضَلُ مِنْ شَحْمِ ٱلْكِبَاشِ." إيه فايدة إني اعمل الغلط واتهاون مع كلام الله وأبرره إنه لمصلحة الخدمة! إيه فايدة إني أصلي طول الوقت ومش فاضي للناس ولا موجود معاهم ولا باقوم بدوري وسطهم؟ إيه فايدة إني طول الوقت في الكنيسة وماعرفش حاجة عن الناس اللي برة؟ إيه فايدة خدمتي صبح وليل وأنا في شغلي سمعتي مش كويسة وبتاع مشاكل وباعمل مصالح من تحت الترابيزة؟ إيه فايدة إننا نعمل كل الحاجات اللي شكلها روحي وحياتنا بايظة ومش ماشيين حسب كلام الله؟ فكَّر معايا في دقيقة.. إيه اللي محتاجين نغيره في حياتنا رغم إنه يبان كويس ولمصلحة ربنا وخدمته؟ 
|
|
العرض الشجري