|
 |
 |
 |
|
رقم المشاركة : ( 1 )
04 - 10 - 2022, 09:16 AM
|
|||||||||||
|
|||||||||||
 مرة كان في طفل صغير رايح المدرسة وأول لما خرج من البيت لقى حجر كبير قدام البيت رجع لبابا وهو مخضوض 😳 وقال: الحق يا بابا أنا مش هينفع اروح المدرسة ولا هنعرف نخرج من البيت تاني، في حجر كبير قدام البيت باباه قال: بس في حلين ينفع بيهم نخرج من البيت ممكن نشيل الحجر أو نطلع عليه ونخرج طبعا ممكن نكون بنضحك على الطفل ده لكن الحقيقة أننا أوقات كتير بنعمل زيه 🤷 بنكون عايزين نحقق حاجات ويقابلنا عائق ونقرر نستسلم وخلاص نوقف وبنقول الظروف كده أعمل إيه؟ والطفل بالنسباله الحجر كان كبير فعلاً يعني هيعمل إيه؟! الظروف اللي حواليك ممكن تكون كبيرة فعلاً بس أنت قدامك اختيارين تانين غير الاستسلام ✌️ في حاجات في حياتنا مش هينفع نغيرها ساعتها أقبلها وأحاول أكمل وأحقق هدفي وهي موجودة، ساعتها أنت هتكون سبت الحجر بس عديت من فوقه 💪 وفي حاجات ممكن تتغير ودي أتحدى نفسي والظروف علشان اغيرها، الحجر ممكن يكون كبير لكن أعافر وأشيله من قدامي.💪 قيم ظروفك ومعوقاتك وشوف إيه اللي هتقبله وتعدي من فوقه لهدفك وإيه اللي محتاج تبذل مجهود وتشيله بس المهم اوعى تستسلم للمعوقات ✋ 
|
|
العرض الشجري