الخدمة مش منظره وطقوس ومظاهر

[walaa farouk]

الخدمة مش منظره وطقوس ومظاهر،
اللي بيصلّي بيخدم
واللي بيعزف بيخدم
واللي بيقرا الإنجيل بيخدم
واللي بيجمع العطا بيخدم
واللي بيعطي المال بيخدم
واللي بياخد باله من الأطفال بيخدم
واللي بياخد باله من الشباب بيخدم
واللي بيجهز الكنيسه قبل القداس بيخدم
واللي بينضّف بعد الاجتماع بيخدم
واللي بيجهز أكل وشرب بيخدم
واللي بيوصّل حد بعربيته بيخدم
واللي بيعمل باور بوينت بيخدم
واللي بيكتب أو يطبع ورقة بيخدم
واللي بيدير أمور الخدمة بيخدم
واللي بيسأل على الناس بيخدم
واللي مش بيعمل ولاحاجة من كل ده،
لولاه ما كانت ولاخدمة من كل ده

الساعة مش العقارب ولا الاستيك اللي باينة ومتشافة ،
الساعة التروس والمسامير المختفية.

بنمدح الوشوش والعينين وتسريحة الشعر وشياكة اللبس،
وعمرنا ما بنمدح القلب والكلى والكبد والأمعاء
وكل ما خفي من أجهزة الجسم اللي لولاها ماكان لاعنين
ولاوشوش ولا لبس.

"وَأَعْضَاءُ الْجَسَدِ الَّتِي نَحْسِبُ أَنَّهَا بِلاَ كَرَامَةٍ نُعْطِيهَا كَرَامَةً أَفْضَلَ.
وَالأَعْضَاءُ - التي نحسب أنها -
الْقَبِيحَةُ فِينَا لَهَا جَمَالٌ أَفْضَلُ." (1 كو 12: 23).