|
 |
 |
 |
|
|||||||
|
|
أدوات الموضوع | انواع عرض الموضوع |
|
رقم المشاركة : ( 1 )
29 - 08 - 2022, 05:57 PM
|
|||||||||||
|
|||||||||||
 نيافة الأنبا رافائيل يرد على الجدل المثار حاليًا ويؤكد رأي الكنيسة القبطية بخصوص صلاة: "اللهم ارحمني أنا الخاطي"! سؤال: أيه دور الكنيسة أمام ما قيل هذه الأيام بخصوص موقف المؤمن من مشاعره أنه خاطي، برغم أن الكتاب بيقول "إن فعلتم كل البر فقولوا أننا عبيد بطالون؟! الإجابة: بصوا إحنا دايمًا نقف أمام الله في حالة الاحتياج.. يقولك المية متطلعش في العالي! .. طول ماحنا واقفين قدام ربنا نبقى في حالة احتياج. إحنا لما بنبتدي صلاة أبونا بيفتح ستر الهيكل وهو بيقول "ارحمنا يا الله الاب ضابط الكل ايها الثالوث القدوس ارحمنا" وبعدين نطلب من ربنا "أما أنا فبكثرة رحمتك أدخل بيتك وأسجد قدام هيكلك المقدس بمخافتك" فاحنا باستمرار نقف امام الله في حالة احتياج! والسيد المسيح علمنا أن الفريسي لما وقف في حالة احساس بالزهو بأن أنا كويس مخدش حاجة! والعشار لما وقف وهو لا يشاء أن يرفع عينه ناحية السما وبيقرع صدره ويقول "اللهم ارحمني انا الخاطي" نزل إلى بيته مبررًا دون ذاك. السؤال بقى العشار اللي هو أخد التبرير لأنه أعترف بخطيته أمام الله ده المفروض هيجي تاني يوم يصلي ولا خلاص أكتفى؟! أكيد هيجي يصلي.. طب تفتكر لما يجي تاني يوم يصلي هيقف زي الفريسي ويقول: اللهم أشكرك أني لست مثل باقي الناس لأن أنت بررتني! .. ولا هيقول اللهم ارحمني أنا الخاطي؟! فنحن مهما غفر لنا الله نقف أمامه دايمًا في حالة احتياج .. وطبعا ممكن حد يقول نطلب الرحمة بس مانقولش أنا الخاطي! .. طيب أطلب الرحمة من ايه!! .. يعني هقوله أنا كويس بس ارحمني! طيب إحنا في صلاة أبانا الذي في السموات بنقول "وأغفر لنا ذنوبنا" بس أنا مش خاطي! طيب إحنا لما نيجي مثلًا في بعض الألحان نقول "أخطأت أخطأت ياربي يسوع أغفر لي .. ليس عبد بلا خطية ولا سيد بلا غفران" نقوله بس ماعدا أنا بس أنا بلا خطية! لما في بعض الألحان نقول "ارحمني لأني خاطي" (بالقبطي) يعني حتى ترن في ودان الشباب اللي حافظين ألحان.. مش بنقولها! بعدها أقوله لا أنا مش خاطي!! هو أنا محتاج أن احنا لما نصلي قداسنا وألحاننا منبقاش فرحانين باللحن بس لكن نبقى فاهمين بنقول ايه! لأن ممكن واحد مع جمال اللحن والمزيكا بتاعته والاستلام الجيد يقول اللحن وهو فرحان انه بيقول اللحن بس مش مركز ايه التعبير اللي أنا بقوله! علشان كده يجب أن إحنا نركز في صلواتنا ونبقى قاصدين اللي بنقوله! نيافة الانبا رافائيل 
|
|
العرض الشجري