14 - 08 - 2022, 10:58 PM
|
|
|
|
..::| الإدارة العامة |::..
|
|
|
|
|
|
ياللي انتوا رحتوا ل ربنا
يا ناس يا غاليين عندنا
لو كنا نعرف انكم
هتغيبوا فجأه عننا
كنا ف أخر يوم لقا ..
خدناكوا حتي ف حضننا
كنا هنشبع منكم
ونقولكم ..
من اد ايه بنحبكم
صعب الفراق من غير وداع
صعب الوداع من غير سبب
سيبتونا بس ل مين هنا ؟
ياللي انتوا رحتوا ل ربنا
من فضلكم ..
عايزين نشوفكوا ف حلمنا
خليكوا دايمآ جنبنا
واحنا بنوعدكم اكيد
يا وشوش خلاص بقيت بعيد
لو حتي فات مليون سنه
برضه ف قلوبنا حنين وشوق
فمتنسوناش ..
وسلمولنا ع اللي فوق
لو مهما قولنا كلام .. مفيش
ولا اي كلمه للأسف .. توصفلكوا
ازاي هنتعب بعدكوا
لكن هنتقابل ف يوم
ومسيرنا يوم هنروحلكوا
هتوحشونا يا طيبين
وقلوبنا راح تشتاقلكوا
مبروك علي قلوبكوا السما
ويارب نوصل زيكوا ..
يا بختكوا
"مينا مجدي"
|
