|
 |
 |
 |
|
رقم المشاركة : ( 1 )
09 - 07 - 2022, 10:59 PM
|
|||||||||||
|
|||||||||||
 الانبهار والاعجاب وشعور الراحة لما بيخلصوا ...بتدخل تلقائي في شعور عجيب مالوش تفسير غير إنه يا إما يكون حُب ...أو تعوّد ... لو شفت ضعفه واحتويت الضعف ده ، لو لقيت نفسك ما بتستغلّش الضعف ده وتعتبره عجز منه او قِلة حيلة ...اعرف إنك بتحب ولو جرّبت عيوبه واستوعبتها وتقبّلتها ،ولقيت نفسك بتتغاضى عن العيوب اللي في شخصيته ... لو قَسيت معاه من الدبش اللي بيحدفه كتير في كلامه ورغم كده لقيت نفسك بتبلع ، وما بتفكّرش حتى ترد لتخسره ..وشايف أخطائه عادية ومغفورة ..اعرف إنك بتحب .. لو لقيت نفسك شايفه أجمل حاجة ربنا خلقها مهما شفته منكوش أومتعصب ومبهدل وسخيف ومحدش يتحمّل سخافته وفوضاه غيرك ...اعرف إنك بتحب لو لقيت نفسك بتصبر عليه أكتر ما بتتنفس ....اعرف إنك بتحب لو لقيت كل حاجة صعبة في طريقكم ومع ذلك انت حالف لتكمّل وتعافر وما تسيبهوش مهما شفت من ظروف ...اعرف انك بتحب سيبك من شعور الاشتياق ،واحساس انك مفتقده ، واحساس انه حاجة حلوة في حياتك وكلامه وعيونه وصوته ووجوده لذيذ ومُهم .وما ينفعش يبقى مش موجود في يومك ... كل ده ممكن يتحط تحت بند التعوّد أو الانجذاب إنما الحُب ...شئ تاني ...ا الحُب إنك شفت كل حاجة وحشة وفظّة وسَمجة وصعبة ولا تُحتمل ....و رغم كده انت حاسس انك عايش أهمّ قصة حُب في حياتك مع حد نادر الوجود فعلاً... بتشوف جمال جوا العيوب ،بتشوف هدوء وسط الدوشة انسجام روحك في روحه بيجبرك تتغاضى ،تسامح ، تعدي ، تصبر ، وتتحمل .... لما تشوف إنه حاجة ما تتعوضش ولا بكنوز ولا بناس الكون كلهم ..... اعرف إنك فعلاً بتحب .... 
|
|
العرض الشجري