بحياتَك،لازم تعرف إِنَّك فريد، ما جيت على هالحياة صدفة، إِنتَ هَوْن بهالمكان والزّمان، بهالعيلة والمجتمع، بهالبلد وبهالضّيعة، لأَنّو في عندَك رِسالة، الرَّبّ وحدو عِرِفا، لأَنّو قبل ما يصورك بالبطن عِرْفَك، وإِنتَ عم تِكْتِشِف هالرّسالة يوم بعد يوم بحياتَك، لهالسَّبب اعتني بحالك وما تعطي الأحداث أَكتر ما بتستاهِل لأَنّو إِذا انكسرَت ما حدا برمِّمَك إِلّا ذاتَك، وإِذا انهزَمِت ما في شي بيِبْنيك إِلّا إِرادتَك، قدرتك على الوقوف من جديد وقدرتك على المسير ما حدا بِكَمِّلا غَيْرَك إِنت.
الزّوّادة بتقلّي وبتقلَّك، ما تحمُل همّ الدّني على كتافَك، الدّني مش إِلّك، هيّي مِلِك الله، واللّي خلَقا بيهتمّ فِيا، ما تحمل همّ المستقبل إِنّما اشتغل كيف ترضي الله بحياتَك والباقي كلّوو بيِنْزاد لإِلَك...
" قبل أن أُصوِّرَكَ في البطنِ عَرَفْتُكَ" ( إر 1 / 5 )
05 - 06 - 2022, 04:40 AM
العرض الشجري