تعبك في ايد اله بيعرف يقدر

[walaa farouk]

اتعب علشان تلاقي
كلمه بتتقال في اوقات كتير
بس اوقات كتير بنتعب ومش بنلاقي
بنتعب مع نفسنا ومع اللي حوالينا وفي حياتنا عموما وفعلا في كتير بيتعب ومش بيلاقي
اوقات الواحد دموعه بتغلبه لما يبص علي حاله
ويسأل نفسه اسأله كتير ومايلاقيش منها اجابات
ومش محتاج فيها وعظ ولا كلام كبير
هو محتاج بس مجرد شعور وتقدير
ويفضل السؤال (اتعب علشان تلاقي)
واللي بيتعب يارب ومش بيلاقي؟
طب الواحد ساعات بيشوف ناس مش بتتعب وبتلاقي
فتبص علي اي مرايه قصادك في اوضتك في عربيتك في موبايلك وتبص علي ملامحك وعيونك اللي تاهت من كتر التعب وتلاقي ربنا كلمك في مشاعرك ويقول
اللي بيتعب ده شخص بيحب
واللي بيحب مش شرط يلاقي
مجرد ان قلبك لسه في الدنيا سليم لسه مكرهش
لسه بيحتمل ويصبر لسه بيخدم ويدي
اعرف ان تعبك له قيمه في نظري وهاتلاقي في خير
ممكن تعبك هنا مايبانش بس قدام هايبان
هايبان تعبك وحبك ومشاعرك وقلبك وخدمتك ودموعك
وارهاقك وعطائك
هايبان جهادك وعطشك وجوعك وصلاتك
حتي لو تعبت الليل كله وماصطدتش حاجه
مجرد انك قولتلي انك تعبان هاتلاقي خير جواك يكفيك ويكفي اللي حواليك
تعبك مابيروحش علي الفاضي تعبك في ايد اله بيعرف يقدر كل ثانيه بتقدم فيها حب وعطاء