خلي الغالي للغالي

[walaa farouk]

حد لمس جسمك بطريقة خبيثة وكأنك إنتي اللي كُنتي موافقة ؟
ولا حد قريب منك\ قائد خدمة \ مدير \ شخص مسؤل
لمسك لمسة مش مريحة مع إبتسامة خفيفة فتلخبطي واتبرجلتي
وأحترتي وفكرتي كتيييير دي كانت لمسة كويسة ولا لأ!!

أوقات كتير بنتلمس لمسة مش كويسة وبتكون غير صريحة يعني زي ما تقولي كده
"السم في العسل" تحت شعار الحب ......

وأوقات اللمسات بتكون صريحة وواضحة ومزعجة
وبرضة في بنات كتييير مش بتعرف توقفها وتقول لأ ...
وكأنه بقى تصرف عادي وتقول معلش خلاص هانت وهنتجوز او تقول عادي مكنش قصده او عادي ده بيحصل بين كل اللي بيحبوا بعض أو... أو.. ألخ


عايزة أقولك لو مبتعرفيش تقولي" لأ " ده معناه في بعض الأوقات رفضك لجسمك وبيكون إنك مش شايفة ولاعارفة ولا مصدقة إنك
- (( لؤلؤة غالية جداً ))
- تستحقي الأنتظار
- تستحقي الأفضل
- جسمك ليه كرامة وجمال
- جسمك هيكل للروح القدس

عايزة اقولك كمان حبي جسمك
وأعتني بيه حافظي عليه متسمحيش إنه يتهان بالطريقة دي ومتخليش حد يسرق منك إيمانك إنك بنت الملك أميرة وليكي ثمن غالي جداً
"وخلي الغالي للغالي"

أَمْ لَسْتُمْ تَعْلَمُونَ أَنَّ جَسَدَكُمْ هُوَ هَيْكَلٌ لِلرُّوحِ الْقُدُسِ الَّذِي فِيكُمُ، الَّذِي لَكُمْ مِنَ اللهِ، وَأَنَّكُمْ لَسْتُمْ لأَنْفُسِكُمْ؟
لأَنَّكُمْ قَدِ اشْتُرِيتُمْ بِثَمَنٍ. فَمَجِّدُوا اللهَ فِي أَجْسَادِكُمْ
وَفِي أَرْوَاحِكُمُ الَّتِي هِيِ للهِ.
(1 كو 6: 19-20).