|
 |
 |
 |
|
رقم المشاركة : ( 1 )
15 - 05 - 2022, 04:58 PM
|
|||||||||||
|
|||||||||||
 يا بخته اللي صاحبه يوناثان .... يوناثان كان ابن ل شاول الملك .. ومع ان ابوه مكنش بيحب داود وكان بيغير منه لكن الكتاب بيقول عن يوناثان انه " أحب داود كنفسه" .. متخيلين التشبيه ؟! .. واحد بيحب صاحبه زي نفسه وساعات أكتر .. علشان كده طبيعي لما يوناثان عرف ان شاول ابوه عايز يقتل داود .. اتدخل وساعد داود انه يهرب علشان ميتأذيش .. حتي لما اتفارقوا عند "حجر الافتراق" كان في ما بينهم وعد .. وعد انهم يفضلوا ضهر وحمايه لبعض ويصونوا العشره اللي بينهم مهما الايام فرقتهم .. وكان حضن يوناثان ل داود قبل الفراق حضن مليان حب ووجع ودموع .. حب رابطهم ببعض و وجع من البعاد والفرقه ودموع وقت الوداع.. يا بخته اللي عنده صاحب زي يوناثان .. بيسنده قبل ما يقع و بيحميه وقت الخطر والألم .. بيشاركه حزنه وبيشيل عنه ومعاه وبيقويه ع الظروف الصعبه .. بيهون عليه الأيام وبيعزيه لو تعب ويشدده لو خاف .. بيحبه زي محبته لنفسه وبيتمناله الخير والفرحه .. وواقف دايمآ ف ضهره بيسمعه ويشجعه ويطبطب عليه ف عز ضعفه وتعبه بيصون الحب والعشره والعيش والملح وبيفضل باقي ع الوعد اللي ما بينهم .. اللي عنده صاحب زي ده .. مينفعش يسيبه ! ❤️ 
|
|
| قد تكون مهتم بالمواضيع التالية ايضاً |
| الموضوع |
| يا بخت اللى فى حياته صديق زى يوناثان |
| يابخته اللي صاحبه ذي يوناثان |
| يا بخت اللي صاحبه يسوع |
| يابخت اللي صاحبه المذبح 💜 |
| يا بخت القلب اللى بيضرب صاحبه لما يغلط ويوبخه |
العرض الشجري