لكل يوم زوّادة: مرض الجوع : 27 / 4 / 2022 /

[souad jaalouk]

لكل يوم زوّادة: مرض الجوع

كان معروف عن ابونا بشارة ابو مراد انو كان ياخد حصتو من الأكل بالدير و يقدّمها لأول فقير بيلتقي فيه حتى انو بحرب ال 1914 وقت صار في مجاعة كمّل هالشّغلة و صار يقعُد بلا اكل تا يطعمي الفقرا و طوّلت الحرب و هوي صار لونو اصفر و ضعِف كتير. جابولو الطبيب فكّروه مريض لأنو ما حدا كان عارف شو عم يعمِل! قلّن الدكتور بعد ما فحصو انو مريض بمرض الجوع و ما الو دوا الا انو ياكل منيح!
الزوّادة اليوم بتقلّنا انو لازم نتعلّم من سِيَر القديسين و نِفهم انو لازم نخدُم غيرنا و نساعد بعيد عن الأنانية و كونو اكيدين انو ربنا ما بيترِكنا ابدًا...ارحموا من في الأرض يرحمكم من في السماء...الله رفيقكن عا طول.