|
 |
 |
 |
|
رقم المشاركة : ( 1 )
17 - 04 - 2022, 09:30 PM
|
|||||||||||
|
|||||||||||
 المسيح لما بيشفي بيشفي شفاء حقيقي مش بيطيب خواطر يعني لما جاله المولود أعمي ماداهوش صدقة و شوية فلوس و قاله هون علي نفسك بيهم . لما راح للمفلوج المقعد ما قالهوش أنا جاي أطيب خاطرك و اقولك كلمتين مشجعين لكن قاله أنا جاي أشفيك .. قم أحمل سريرك و أمشي . لما مرثا جت تبكي و قالت له لعازر مات ماقالهاش معلش ربنا يطيب بخاطركم لكن قالها سيقوم أخوكِ و بالفعل قومه من الموت . المسيح طوال مسيرته شفي شفاءات جسدية و نفسية و عقلية و روحية .. مكانش بيتعامل مع المرض زينا إننا نحاول نهون علي نفسنا .. لكن كان بيشفي بالتمام . بيعمل حاجة حقيقية .. موقف حقيقي يصنع الفرق .. و ينهي علي الألم الطويل . لو انتِ بتمري بجروح عاطفية وحاولتي كتير تتخلصي منه بطرق كتير و معرفتيش .. المسيح يقدر يعمل حاجة حقيقية يقضي علي الماضي ده بكل جراحه .. لو انت بتمر بوجع حاولت كتير في التخلص منه بحلول مادية و معرفتش المسيح يقدر يعمل عمل سماوي قوي فوق الحلول الأرضية و يعزي و يسند . خلونا في الأسبوع المقدس نطمع في عمل المسيح و نوقف شوية حلولنا الأرضية اللي هي مجرد مسكنات . لك القوة و المجد و العزة .. إلي الأبد أمين . 
|
|
| قد تكون مهتم بالمواضيع التالية ايضاً |
| الموضوع |
| حبه بيشفي الجروح |
| الحب الغافر بيشفي |
| بيشفى الاعماق المجروحة |
| بيشفي الأعماق |
| ترنيمة لسة بيشفي |
العرض الشجري