|
 |
 |
 |
|
رقم المشاركة : ( 1 )
15 - 04 - 2022, 10:02 PM
|
|||||||||||
|
|||||||||||
 من التدريبات المهمة جدًا.. 👌🏻 هي إزاي تتحكم في رد فعلك وانت بتتكلم مع نوعية ناس كلامهم مستفز ومؤذي وعندهم عنهجية مريضة.. شوية من رجال أفرايم راحوا لجدعون بعد إنتصاره على المديانيين.. وكلموه بإستفزاز وقلة ذوق.. إزاي ماقالهمش على الحرب.. وإزاي ماقدرهمش.. وخاصموه بشدة.. بصراحة أي حد مكان جدعون بعد نشوة الإنتصار كان شاطهم وفرمهم.. أو أقل حاجة كان ظبطهم بكلمتين شداد ويوريلهم العين الحمرا... لكن اللي عمله جدعون كان رد فعل رهيب وغريب... تخيل قالهم إيه..؟ فَقَالَ لَهُمْ: «مَاذَا فَعَلْتُ الآنَ نَظِيرَكُمْ؟ أَلَيْسَ خُصَاصَةُ أَفْرَايِمَ خَيْرًا مِنْ قِطَافِ أَبِيعَزَرَ؟ (قض ٨: ٢) يعني هو أنا عملت زي اللي إنتوا عملتوه؟ إنتوا أحسن وأعظم... العفارة بتاعتكم أحسن بكتير بأفضل حاجة عندنا.. يا سلام على رد الفعل من الكبير العاقل.. هو ده الجبار بصحيح.. العظمة مش في فرد العضلات ولا إظهار القوة... لكن في ردود أفعال حكيمة.. كان ممكن يفرمهم أو يديهم درس في الأخلاق ويوجه سيل إنتقادات ليهم.. وكان هيبقى ليه حق.. لكن جدعون عرف يلم الدنيا ومايفسدش الفرحة اللي كانت في الشعب.. قدام اللي عمله جدعون كان رد فعل رجال أفرايم. . يقول الكتاب تعبير رائع.. حِينَئِذٍ ارْتَخَتْ رُوحُهُمْ عَنْهُ عِنْدَمَا تَكَلَّمَ بِهذَا الْكَلاَمِ. (قض ٨: ٣) إرتخت روحهم عنه.. يعني بالعامية (بعد ماكانوا بينفخوا ويفشوا) كمية الغليان والغيظ اللي كانت عندهم سرعان ماراحت وهديوا تمامًا.. عظيم فعلا جدعون وحكيم ومتضع كمان... تدريب مهم نتعلمه.. إزاي نتعامل مع ناس يكلمونا بعنهجية و بيحاولوا يفسدوا فرحتنا.. حكمة_قصاد_عنجهية 
|
|
| قد تكون مهتم بالمواضيع التالية ايضاً |
| الموضوع |
| حكمة هذا العالم غير حكمة الله. حكمة الله حقيقية، لا يصيبها ما يفسدها |
| الذي لا تستطيعه حكمة الناس تقدر عليه حكمة الله |
| قصاد بعض..💏 |
| اقف قصاد ربنا بحقيقتك |
| أكثر الرجال حكمة ... الذي يظن أنه أقل حكمة؟؟؟؟؟ |
العرض الشجري