|
 |
 |
 |
|
رقم المشاركة : ( 1 )
24 - 03 - 2022, 08:17 PM
|
|||||||||||
|
|||||||||||
 في كلام جوايا عمري ما كنت فاكر اني هاكتبه بس اتعودت لو حاجه جوايا وشايف فيها ربنا وطلعتها للناس اكيد هاتخبط في قلب حد وتعلمه زي ما تعلمت ( انا عشت حياتي كلها مش بعرف اخد لكن اعرف أدي مش لاني كويس لكن علشان مش بعرف اطلب كنت لما بخدم في الصعيد ٥ سنين عشت وسط ناس بسيطه في القُري تلاقي حد جايبلك حزمه جرجير بس قلبه كله حب فانت تحس انه كتبلك الارض بتاعه الجرجير دي باسمي مثلا واحده ست عجوزه تعرف اني بحب الدُره تجري تخبط عليك تديك كوزين تاخدهم منها وانت حاسس ان جالك دهب الاقي ناس فقيره جدا تتخانق مع بعض علشان يعملوا لابونا الاكله اللي بحبها زي (الكشري ) فتلاقي الاسره دي طايره من الفرح ان ابونا كل عندهم كشري عكس ناس تانيه كانوا ممكن عاوزين يجيبولك حاجات اغلي بس انت فجاءه تقول لا وناس تعزمك علي خروف بس انت تجري علي فراش الكنيسه وتقعد تاكل معاه ويبقي احلي اكله القصه قصه قلب مش قصه عطايا قبول العطيه نابع من قلب العاطي نفسه السيد المسيح كان ممكن الفريسي يعمله وليمه بس ماتفرقش معاه لكن يفرق معاه اوي يقعد في بيت لعازر حتي لو اللقمه بسيطه ممكن يخش عند زكا العشار مش علشان غني لكن علشان تايب اعرف القلب الاول اللقمه البسيطه النومه البسيطه العطيه البسيطه بس بقلب واضح ونقي وبسيط تبقي ماليانه خير وفرح وراحه عن لقمه غنيه بس قلبها فقير عن نومه مريحه بس قلبها مؤلم عن عطيه غاليه بس قلبها رخيص يمكن في مشاعر جوايا صعبه او دموع مستخبية او كسره قلب مش حابب اقف عندها لكن اللي واثق فيه ان روح ربنا غني كفقراء ونغني كثيرين اللي اعرفه كمان يوم ما ربنا ياخد روحي هايشوف انك قدمت حب واحتواء وتقدير لكل واحد احتاجه ودول كانوا اعظم من كنوز الدنيا حتي لو ماشوفتش قصادهم نفس اللي قدمته وقت احتياجك خلي عطيتك للي حواليك قلبك النقي ساعتها اقل حاجه هاتقدمها هاتبقي غاليه اوي ابونا جوناثان رفعت 
|
|
| قد تكون مهتم بالمواضيع التالية ايضاً |
| الموضوع |
| المهم قلبك انت ينبض بالحب للى حواليك |
| ارفع قلبك لربنا لما يكون اللي حواليك سايبينك |
| خليك قناة تنقل السلام اللي في قلبك للي حواليك |
| أحتاج إلى قلبك النقي |
| السعادة هي ابتسامة من قلبك تهديها للي حواليك☺ |
العرض الشجري