العقاب الممنطق

[توتا كمال]

_لو غرقتي كمك على الحوض شوفي هعمل فيكي ايه

=أنا عارفه إنك خايفه عليها من البرد

=بس بدل ما تهدديها وانتِ مصدر الأمان الأول عندها (مامتها) وتكسري الأمان ده عندها بالتهديد

=بدلي التهديد بعقوبه مناسبه للموقف

=زي

=🌾مع أني عارفه إنك بتضايقى من البلل بس لو غرقتي كمك على الحوض هسيبك بهدومك المبلوله ساعة لأن للأسف هدومك كلها على الحبل ولسه منشفتش

_ماهو أنا في كل موقف مش أكيد هقعد افكر بهدوء وأقول اعمل ده بدل ده علشان مكسرش الأمان أو مأثرش على نفسيتها وكده.... ما أنا مش ملاك

=بالظبط كده علشان إحنا مش ملايكه فمحتاجين لما نكون عندنا الطاقه والهدوء نفكر في كلامنا وأفعالنا مع ولادنا وندرب نفسنا على الصح وبعد وقت دماغنا هيعملوا اتوماتك من غير أي مجهود مننا

=وانتِ حالياً عندك الطاقة لده فليه تريحي دماغك والنتيجه بنت مشوهه نفسياً طول العمر ما نغير ما نحس

--------------------------------------

أوقات بيجلنا وقت بنبقى زيرو طاقه بسبب ضغط معين زي مشكله كبيرة مع حد قريب منك أو حوار قلب بخناقة مع جوزك أو مرض أو غيره من الضغوط

الحياه مبتخلاش

فسيبي غلطاتك مع بنتك من تهديد أو وصم أو أحكام او زعيق للأوقات دي

الأوقات اللى بتزعليها جامد وبعد ما تهدي تحسي إنك أذتيها وتقولي أنا عملت كده إزاي

وطبعاً درجة الأذيه النفسيه وعدد مرات تكرارها بتختلف من أم لأم

وطبعاً مش محتاجين أقولكم إن كل ما قلت كل ما البنت كانت أكتر سلام نفسي وسعادة وإنجاز في حياتها

وديماً راقبي تطورك انتِ كنتِ إزاي معاها وبقيتي بكتر التدريب وزيادة الوعي إزاي

واحتفلي بإنجازاتك البسيطة وقدريها في نفسك وأشكريها أنها ديماً بتحاول

بناتنا مش مليكة خاصة نعمل فيها اللى عاوزينه
بناتنا أمانه في إيدينا هنُحاسب عليها فحافظوا عليهم ..