05 - 03 - 2022, 09:17 PM
|
|
|
|
..::| الإدارة العامة |::..
|
|
|
|
|
|
في فكرة مغلوطة منتشرة عن الزواج ..
وهي إن لو في حد عنده مشكلة معينة في شخصيته
أو عيب مثلا مش عارف يغيره،
إنه هيتغير بعد الجواز لوحده كدا
وهيتصلح وكل حاجة هتبقى تمام!
المضحك في الموضوع إن رغم إن الفكرة دي
أثبتت فشلها مع كل اللي جربوها،
لكنهم لسه مكملين في الاحلام الوردية.
واللي بيحصل هو العكس إن المشكلة اللي كانت موجودة
بتزداد سوء بعد الجواز لو الشخص ماخدش
خطوات جادة في التعامل معاها سواء لوحده
أو بمساعدة متخصصة.
علشان كدا وإحنا بنختار الشخص اللي بنفكر نرتبط بيه
محتاجين نبقى فاهمين كويس إن أي صفة صعبة علينا
أو مش عارفين نتعامل معاها في الطرف التاني..
أنها مش هتتغير بطريقة سحرية بعد الجواز
بالعكس هتكون واضحة أكتر..
لكن دايما في أمل إن الشخص يطور ويغير من نفسه
ويتعامل مع صفاته المتعبة قبل الزواج
اللي هو في حد ذاته آداة عظيمة وسبب قوي
في تغيير وتطوير شخصيات الناس للأفضل.
|
