|
 |
 |
 |
|
رقم المشاركة : ( 1 )
23 - 02 - 2022, 10:54 PM
|
|||||||||||
|
|||||||||||
 فيه مرات لما نسكت علي التجاوزات المتكررة، اللي قدامك "بيتمادي" و "يركب و يتربع" ، علي رأي المثل "سكتناله دخل بجماره" .. يبقي برضه "تسايس زعلك" ، لان مرات العتاب يفرق الاحباب ، و يتحول الي مرار و عذاب .. المسايسة انك ترمي "سنارة العتاب " بحكمة و تشوفها ح تصطاد ايه ؟؟ لو لقيت كام كلمة مودة علي لطف ح "تصطاد" حسن العلاقة ، و تفضي طاقة الزعل اللي جواك ، و تحط للي قدامك "حدود" علشان يخللي باله ، "كمل صيد" و استمر في الكلام .. لكن لو لقيت "المكنة ما بتجيبش قماش" ، و ان العتاب ح ينقلب "نطح" و "رزع" و "تراشق" و "شقاق " برضه سايس زعلك : لانه ما اسهل انك ترمي كام دبشة تدبهم و تولع الحوار و تاخد حقك و تبقي قطيعة ممكن ما تتحلش ، و تبقي زعلة العمر يا تبقي عرفت اللي فيها ، و عرفت انه لا فاهمك و لا باقي علي مشاعرك ؛ هو كده ، آخره كده .. يبقي تسايس كلامك علشان تنهي الحوار قبل الصدام و قبل النار ما تمسك فيكم .. و انت ماشي قوله "بينا احترام و ود ، رغم الخلاف" . و بعدين طلع العشم من علاقتكم، و خد مسافة مناسبة حكيمة حسب درجة العلاقة ، و قلل احتكاكك، و استغني علي قد ما تقدر ، و خليك ودود بس من بعيد ، و سيب للايام فرص إصلاح العلاقة .. . يبقي برضه في الآخر لما تسايس زعلك ، ح تريح قلبك 
|
|
| قد تكون مهتم بالمواضيع التالية ايضاً |
| الموضوع |
| سايس |
| برضه خير |
| برضه لا |
| تحبه برضه |
| ننزل برضه |
العرض الشجري