|
 |
 |
 |
|
رقم المشاركة : ( 1 )
11 - 02 - 2022, 05:59 PM
|
|||||||||||
|
|||||||||||
 لما قرر إنه يعبر لها عن مشاعره ناحيتها، قالت له: ايه اللي خلاك تحبني وترتاح لي؟! قالها: أكتر حاجة شدتني ليكي هي.. قلبك الطيب، قالت له: وأيه كمان؟ قالها: وطريقة تفكيرك.. حاولت تصدق كلامه لكنها مقدرتش.. فبصت له باستغراب وقالت له: بس؟! قالها: لا طبعاً، اللي شدني أكتر من دول روحك الجميلة، ورغم إن كلامه كان مُقنع، إلا إنها مقدرتش تصدقه.. وده لأن نظرات عينيه مكنتش مريحة ليها من بداية القعدة والحقيقة دي واحدة من أكبر المشاكل اللي بتواجه البنات مع الشباب.. وبتظهر بوضوح في بداية خطوات الارتباط للزواج، شباب كتير بتكون نظرات عينيهم للبنات مش نقية وطاهرة، وبيعتبروا ده حق مشروع ليهم لو بيفكروا في الزواج من بنت معينة.. وللأسف ده بيخليهم يفكروا بشكل نجس في البنات، وتركيزهم كله بيكون في شكل جسم البنت وازاي يمارسوا الجنس معاها.. مفيش شك إن الجمال الجسدي وارتياح الشاب لشكل البنت أمر مهم في الزواج.. لكن مينفعش يسيطر على طريقة التفكير ويكون هو المعيار الوحيد للزواج.. لأن بمرور الوقت الجمال الجسدي بيقل والشكل بيتغير، فهل لو اتجوزت واحدة وحصل تغيير في جسمها ده يخليك تسيبها؟! لو عملت كده فده معناه إنك شخص بتتحرك بالغرائز فقط.. لكن الإنسان الناضج والسوي هو اللي بتحركه أفكاره مش غرائزه.. محتاجين نغير نظرتنا للبنت في مجتمعنا الشرقي، ونخلي أساس علاقة الزواج مرتبط بأمور تانية أهم، زي نضوج الفكر والشخصية والتوافق في هدف ورسالة الحياة.. خلي اللي يشدك في البنت أمور ثابتة مش متغيرة مع الزمن.. أمور تستحق إنك تتزوج من أجلها.. لأن الزواج علاقة مستمرة لآخر العُمر. 
|
|
| قد تكون مهتم بالمواضيع التالية ايضاً |
| الموضوع |
| الراجل هو اللي واثق من نفسه و منك |
| الراجل اللي بيخاف علي زعل حبيبته |
| الراجل ده هو اللى موت أبوكم |
| " الراجل اللي ورا عمر سليمان |
| الراجل اللى ورا مرسى |
العرض الشجري