|
 |
 |
 |
|
رقم المشاركة : ( 1 )
04 - 02 - 2022, 01:58 PM
|
|||||||||||
|
|||||||||||
 مش هيصيبك إلا نصيبك، الزواج ده زي البطيخة، شريك حياتك هو قدرك في الحياة، كل الجُمل دي وغيرها كتير... بنسمعها في مجتمعاتنا الشرقية.. وللأسف بتقدم لنا صورة مغلوطة ومشوهة عن الزواج، وبتخلي الإنسان مستني "نصيبه" في الحياة من الزواج بدون ما يتعب أو يبذل أي مجهود في الاختيار.. وكتير من الناس بتاخد قرارات غلط في الزواج، وبدل ما تتعامل مع الوضع الغلط وتحاول تصلحه.. تستسلم ليه بحجة إن مفيش حد يقدر يغير نصيبه وإن ربنا هو اللي بيوزع النصيب الحلو والوحش على الناس في الزواج 🤷 والحقيقة إن الكتاب المقدس بيقول لنا حاجة مختلفة عن كل ده.. من بداية الكون والله أعطى الانسان سلطان على كل الخليقة.. وإداله عمل يقوم بيه ووصية علشان يطيعها، وحط مسؤولية كبيرة بين ايدين الإنسان في إنه يختار شكل حياته ومستقبله.. وده لأن الله بيحترم حرية الإنسان وعقله وإرادته، والرسول بولس بيقول إن "الذي يزرعه الإنسان إياه يحصد أيضًا" (غل6: 7) وده ينطبق على كل قرارات الإنسان بما فيها الزواج.. فنجاح زواجك وفشله ده قرارك أنت مش حد تاني، ومش معنى كده إن الله مالوش دور في اختيار شريك الحياة وفي إصلاح المشاكل الزوجية.. لكن الله بيشتغل في حياتنا من خلال تشكيله لشخصياتنا وأفكارنا.. وبيدينا القدرة على الاختيار بين الصح والغلط، وكمان بيساعدنا لو حسينا بحيرة أو لخبطة في حياتنا، وبيرشدنا وقت لما نكون محتاجينه.. لكن يفضل قرار الزواج وتحمل نتائجه في ايد الإنسان وحده.. علشان كده الزواج مش قسمة ونصيب، الزواج لازم يكون قرار إرادي واعي نابع من الإنسان نفسه.. وأي مشاكل بنتعرض ليها في زواجنا.. لازم نجتهد إننا نحلها ونتعامل معاها بشكل ايجابي، من غير ما نستسلم ليها أو نندب حظنا الوحش ونصيبنا السيء.. خد قرار إنك تتعامل مع زواجك بمسؤولية ووعي ونضج، ده هيفرق معاك ومع شريك حياتك جداً 😍 
|
|
| قد تكون مهتم بالمواضيع التالية ايضاً |
| الموضوع |
| انا بحب اتعامل مع الناس البسيطة |
| اتعامل مع كل يوم كأنه اول يوم |
| اتعامل بقلبك |
| وزيرة الهجرة تعترف بمسؤولية الحكومة عن حادث مركب رشيد |
| كيف اتعامل مع نقد الاخرين؟ |
العرض الشجري