|
 |
 |
 |
|
رقم المشاركة : ( 1 )
18 - 01 - 2022, 06:02 PM
|
|||||||||||
|
|||||||||||
|
احيانا بيمر علينا اوقات بتبقي الدنيا ضلمة علينا.. قافلة في وشنا.. و الخوف و القلق و مشاعر تانية رهيبة مليانا... احيانا كتير بنحس بخنقة و ضعف و قلة حيلة... احيانا بيتوه منا طريقنا و مش بنشوف ملامحه... مش بنقدر نشوف أي ايد بتتمد لينا و لا بنقدر حتي نشوف نفسنا... و لو بالصدفة قابلناها في المرايا مش بنعرفها و لا بنتعرف عليها... احيانا بنتحول لمجرد اشباه أشخاص ماشيه علي رجلين.. لا عارفة هي جاية منين و لا رايحة فين.. فاقدين طعم الحياة... حتي لو في يوم كنت في الحالة دي او مريت بيها... ادخل جوه نفسك... ادخل جوه قوي.. ادخل في العمق.. العمق الإنساني و العمق الروحي... قبل ما تدور في العالم الي حواليك.. دور جواك.. جوه قلبك.. جوه فكرك و مشاعرك و أحاسيسك... دور جوه روحك... و هتلاقيه... اكيد هتلاقيه... عن يقين هتلاقيه... ايه هو ده؟؟؟ شعاع النور... شعاع النور الي ربنا خلقه فينا.. ده طول الوقت موجود و عمره ما بينطفي ابدا... ممكن نوره يخف او حاجة تحجبه عنا و نحس أننا مش شايفينه.. بس هو علي طول موجود... شعاع النور ده لو دورت كويس هتلاقيه و هتشوفه... هو الي هيدلك علي الطريق.. هو الي هيرجعك تاني... اوعي تخاف حتي لو مش لاقيه.. هو يقينا موجود... و اوعي تقلق لأن حتي لو ماعرفتش تلاقيه لوحدك ربنا هيبعت لك الي يساعدك علشان تلاقيه... هيبعت لك رسالة.. هيبعت لك دليل... المهم انك تصدق انه فعلا موجود جواك و انك اكيد هتلاقيه.. علشان لما تلمحه تقدر تميزه و تروح له و تتوحد معاه... خليك عايش بالنور الي جواك.. خليك عايش بنور الله  الله ليه كل المجد 
|
|
العرض الشجري