بيخبرو عن شب حالتو غريبة و نادرة، ما بيقدر ينسى! بيتذكّر كل شي من طفولتو و كل لحظة بحياتو! منكن رح يقول: كتير حلو نيّالو، نحنا مننسى اشيا كتير مهمّة بحياتنا، يمكن عيد ميلاد حدا منحبّو، يمكن اجتماع شغل مهمّ، يمكن معلومة مهمّة، يمكن موعد دوا... و هالنسيان رح يؤثّر عالنتيجة اللي بدنا ياها بطريقة مش منيحة. و بالمقابل كتار رح يقولو حرام كيف فيه يعيش هيك! في مواقف بشعة، و اشيا جرحتنا، و كلمات زعّلتنا، و خيانة اذيتنا و رفض حسّسنا اننا مش مناح كفاية...كل هالإشيا اذا تراكمت جوّاتنا و ما نسيناها شو بيصير فينا! انتو شو رأيكن؟ عا كل حال، بالمختصر الذاكرة و النسيان تنيناتن نِعَم من ربنا تا نقدر نعيش! اعرفوا تستعملوهن! يا رب كون بوصلة النا، ذكّرنا فيك عا طول و نسّينا هالأرض و انت تذكّر حسناتنا و انسى خطايانا و سامحنا، منّك يا رب منطلب!
15 - 01 - 2022, 04:21 AM
العرض الشجري