الفريد في كل شئ الراعي الصالح يسوع المسيح

[walaa farouk]

"من وجهة نظر غير دينية"
السيد المسيح هو الشخصية اللي التقويم العالمي اتغيير بناء علي تاريخ ميلاده
*هو الشخصية المحورية اللي بنقول قبل ميلاده وبعد ميلاده

*الشخصية اللي اثبتت ان الكلمة اعظم من السيف

*صاحب نظرية عدم المغالاة في التدين .. وده ظهر في انتقاده للفريسين ووجهة نظرة في انك لو صمت ادهن شعرك ومش لازم حد يعرف انك صايم

*صاحب فكرة البساطة والحكمة ... مش لازم عشان تكون طيب انك تكون ساذج

*صاحب نظرية تغيير سلوك الخطاه مش قتلهم او مقاطعتهم

*الشخصية اللي عاشت علي الارض 33سنه بس .. لكن تاثيرها استمر لمئات السنين

*صاحب فكرة اعطي ما لقيصر لقيصر .. فكرة سابقة عصرها لمبدء الدولة المدنية

*صاحب نظرية الكيفية مش الكمية في مثال المراة الفقيرة والفلسين

*صاحب الموعظة علي الجبل .. اللي لو اطبقت علي الارض هنبقي عايشين في السماء

*الشخصية اللي حررت المرأة .. الشخصية اللي سامحت الزانية اللي كانت المفروض تترجم

*اللي قال لو اتلطمت علي خدك الايمن اعطيه خدك الايسر ...

*هو الشخص الذي سامح من صلبوه وطعنوه ومن بصقوا في وجهه!
الوديع، المتواضع القلب والذي لايسمع احد في الشوارع صوته
يجول يصنع خير وحب وسلام في كل مكان
إنه المعادلة الصعبة
إنه الفريد
الفريد في كل شئ
الراعي الصالح يسوع المسيح
اعظم_شخصية_في_التاريخ