لكل يوم زوّادة:
اليوم تاني صفحة بكتاب جديد مؤلّف من 365 صفحة بيضا. اليوم عم نسكّر كتاب السنة الماضية و ما عم نكبّو، بالعكس، عم نحطّو عالرفّ تا نضل نقراه من وقت للتاني و ناخد مِنّو عبر...
احلى طريقة نبلّش فيها سنة جديدة هيّي الصلا، تا ربنا يباركها و يكون حاضر فيها بكل تفاصيلها. يا ربّ كلّ واحد مِنّا عندو بقلبو نوايا خاصّة بس اكيد في اشيا بتجمعنا كلنا...كلنا منصلّي عا نيّة لبنان، كلنا منصلّي نِخلص من كورونا، كلنا منصلّي عا نيّة عِيَلنا، كلنا منصلّي عا راحة نفوس موتانا، كلنا منصلّي ما يبقى حدا بردان و لا جوعان و لا فقير...
يا رب اسمع نوايانا بعناوينها العريضة و فوت عا عمق قلب كل واحد مِنّا و استجبلنا اذا هالشي بيرضي مشيئتك... سنة مباركة و الله معكن كلكن!
02 - 01 - 2022, 08:10 AM
العرض الشجري