حابة اوفى كل الشكر للانبا كاراس اسقف المحلة ربنا ينيح روحه وابونا مينا عبود والشماس مارك زغلول حقيقى وقفوا جنبى جدا فا حابة اشكرهم واكتب المعجزة دى لانها حصلت معايا من وقت قريب جدا
انا كنت اخدت دور برد عادى عشان اول موسم الشتا او الصيف لازم اخد دور برد
لكن بعد ماخفيت فجاة تعبت تانى وللاسوء مع العلم انها مش كرونا
كان دايما زورى واجعنى جدا وكانه محتقن المهم اننا كنت باخد ادوية كالتهاب فى اللوز او احتقان وسوايل سخنة وليمون وعسل دون فائدة مع العلم ان مكنش فى تكسير فى العظم ولا رشح ولا سخونة نشكر ربنا وكنت بروح الشغل عادى بس الاحبال الصوتية مقفولة خالص اتشفعت بيهم فكلمت واحدة معرفة دكتورة واكتشفت ان المعدة ملتهبة وماثرة على الاحبال الصوتية فا مسببة للصوت انه يكون مبحوح والسويل السخنة والليمون والعسل كان بيلتهبها اكتر وبالفعل اخدت مضادات حيوية خاصة بالمعدة والامها مع انها مكنتش بتوجعنى لكن هى كانت ارتجاع فى المرىء على الرغم ان كان لازم مارهقش الصوت بس الشغل كان بيتطلب ان اكلم وكمان كنت احيانا التون كان بيبقى عالى وانا مش قادرة اكلم اصلا لكن شفاعة ابونا مينا والشماس مارك والانبا كاراس عديت الفترة دى وكانت تلات اسابيع باعجوبة ونشكر ربنا بقيت احسن بفضلهم طلبتهم واستجابوا شفاعتهم تكون معانا امين
