بيخبرو عن زلمي قاعد بالجنينة عم يتأمّل دودة قزّ . شوي راحت ورا شجرة و اختفت، لحقها الزلمي شافها صارت بقلب شرنقة و اختفت جوّا. صار قاعد ناطر شو بدّو يصير، راح و رجع بعد كم يوم لقاها بعدا مطرحها بالشرنقة! قال حرام ما تكون ما عم تعرف تطلع. قصّ الشرنقة، طلعت فراشة جوانحها ضعاف و وقعت و ماتت! اوقات كتير التدخّل بحياة الناس بيقتلن! هالشي بينطبق بحياتنا اليوميّة، قدّيش بتنزعجو من ناس بتتدخّل و بتكتّر اسئلة بغضّ النظر اذا نيّتهن منيحة او لأ! كل شخص عندو مساحة شخصيّة ما لازم نتخطّاها لأنّو أوقات لو كانت نيّتنا نساعد منطلع عم نؤذي بلا قصدنا... متل ما بتحبّو تنحفظ خصوصيّتكن احفظو خصوصيّة غيركن و تذكّرو عاطول انّو الوحيد اللي تْدَخلو عا طول بوقتو و بمطرحو هوّي يسوع المسيح إلو المجد قولولو نحنا منوثق بتوقيتك يا رب و تعا ساعة اللي بدّك قلوبنا مشرّعة الك! الله معكن!
09 - 12 - 2021, 07:16 PM
العرض الشجري