|
 |
 |
 |
|
رقم المشاركة : ( 1 )
06 - 12 - 2021, 06:51 PM
|
|||||||||||
|
|||||||||||
 اتفقنا في المقالة اللي فاتت.. إن الشر الأخلاقي موجود في العالم نتيجة حرية إرادة الإنسان.. واللي من خلالها الإنسان بيختار الشر وبيعملها في العالم.. هنحاول نجاوب هنا على سؤالين مهمين.. السؤال الأول: ليه الله لما خلق الإنسان إداله فرصة إنه يختار الشر!؟ علشان نجاوب على السؤال ده لازم نعرف في البداية أيه هو الهدف اللي الله خلق الإنسان علشانه.. والهدف ده بكل بساطة إن الإنسان يعيش في علاقة بينه وبين الله.. وأهم أساسيات العلاقة بين شخصين هي القدرة على الاختيار.. الإنسان لازم يكون قادر إنه يحب الله ويعرفه ويقرب منه بحرية.. لو فقد الإنسان حرية إرادته ده معناه إنه فقد إنسانيته بالكامل... وساعتها مش هيكون في فرق بينه وبين أي مخلوق تاني.. السؤال التاني: ليه الله ميتدخلش ويمنع الشر الأخلاقي من العالم!؟ الحقيقة لو الله عمل كده يبقى لازم يسحب الحرية من البشر كلهم.. وساعتها البشر هيتحولوا لمجرد دُمي لأنهم هيفقدوا القدرة على اختيار الخير بإرادتهم.. وده ضد طبيعة الله لأنه مينفعش يعمل حاجة مستحيلة منطقياً.. زي إنه مينفعش يخلق مربع مدور أو شخص عازب ومتزوج في نفس الوقت... وكمان ده ضد محبة الله للإنسان لأنه كده بيقمع حريته.. وجود الشر الأخلاقي زي ما هو أمر متعب... هو كمان أمر مريح لأنه بيأكد لنا احترام الله لحرية إرادة الإنسان. 
|
|
العرض الشجري