هتدخل فى الحيط

[walaa farouk]

هتدخل فى الحيط 😱😱

متسيبش ودانك للناس هتدخل أنت فى الحيط

داوود لو كان سمع للناس و خاف مكنش بأصغر حجرة فى النبلة قدر يموت جليات الجبار و أنتصر شعب إسرائيل .

راعوث لو كانت سمعت للناس مكنتش رجعت عاشت مع حماتها و لا أشتغلت فى حقل بوعز
و أكيد مكنتش هتتجوزه و منها مكنش جه السيد المسيح من نسلها .

راحاب لو كانت خافت من كلام الناس و مهربتش الجاسوسين
مكنتش أخدت الأمان من يشوع مكنتش نجت هى و عيلتها .

أيوب لو كان سمع لكلام الناس لو كان ساب نفسه لأصحابه كان فقد الرجاء
وساب الله لكن بسبب صبره و رجاءه و ثقته الله أكرمه و عوضه بالخير و الأبناء .

نوح لو كان سمع لكلام الناس و بطل يثق فى وعد الله كان زمانه غرقان وياهم فى الطوفان
لكن هو وثق صدق و صبر و الله حقق وعده و نجى هو و عيلته و حيواناته .

قايين رغم خطيته و قتله لهابيل لو كان خاف من كلام الناس من أبوه و أمه كان فقد هو كمان رجاءه و مات .

أستير لو كانت سمعت لكلام الناس و مشيت ورى كلام مردخاى
و قرار الملك أحشويروش كانت خسرت إلها وحياتها و شعبها كمان يا كانوا تركوا الإيمان أو ماتوا .

بلعام لو كان سمع لكلام الناس لو كان سمع لكلام بالاق ليلعن شعب إسرائيل
كان هيقوم بعمل صعب جدأ و كان ممكن هو كمان كان مات
و من عمى قلبه مشفش الملاك لكن حماره شافه ده خلى الحمار ينطق .

موسى لو كانت أمه مخبتهوش و سمعت لكلام الناس و سابت المربية تموته
مكنش هيكبر موسى و يشق البحر و يعدى شعب الله .

يعقوب لو كان سمع لكلام الناس لو كان فضل عايش حياته لخدمة خاله لابان
كان خسر عمره ومقدرش يكون حياته و عاش عمره فى ظل لابان .

يوسف لو كان سمع لكلام أخواته و فضل خايف منهم مكنش راح وراهم لحد ما أتباع
وأتحبس مكنش الله حقق خطته مكنش بقى يوسف فرعون و مكنش قدر ينقذ من المجاعة عيلته و كل البلاد .

ليئة لو كانت سمعت لكلام الناس و سلمت حياتها لتريقتهم و لحزنها كانت خسرت حياتها
و مكنتش شافت كل ولادها .

زكا لو كان سمع لكلام الناس كان أتكسف يطلع فوق الشجرة و يشوف يسوع
و مكنش راح معاه البيت و أتعشاء معاه . لو خاف من كلام الناس مكنش طلع فلوسه
إللى أخدها ظلم مكنش تاب .

التلاميذ لو كانت سمعت كلام الناس لو كانت سمعت لبعض و أتمسكت برأيها و مسمعتش كلام يسوع ورجعت تانى تصطاد كانت خسرت خير يسوع و السمك الكتير .

يوحنا المعمدان لو كان سمع كلام الناس كلام هيروديا و بنتها و هيرودس كان عمل خطأ كبير لكن هو خسر حياته و كسب أبديته .

العذراء مريم لو كانت سمعت لكلام الناس و خافت منهم و أتكسفت كانت خسرت أكبر خسارة و خسرت يسوع يكون ابنها و يتربى فى حضنها .

يوسف النجار لو كان سمع لكلام الناس و ساب مريم العذراء و أتخلى عنها كان خسر أكبر خسارة خسر أنه يكون أب ليسوع و خسر بركته فى حياتهم و بيته .

ياعيل لو كانت سمعت لكلام الناس أنها سيدة ضعيفة و من غير قيمة كانت خافت و مقدرتش تقتل سيسرا .

بطرس لو كان فضل سامع لكلام الناس و خايف منهم كان فضل ناكر للمسيح و خسر أبديته .

آدم و حواء لما سمعوا كلام الناس لما سمعت حواء لكلام الحية سقطت و كسرت كلام الله و لما آدم سمع لكلام حواء هو كمان سقط و كسر كلام الله و كانت النتيجة تركوا الجنة و الحياة فى حضن الله و أطردوا منها و بالشغل و التعب عاشوا .

عيسو لو مكنش سمع لكلام الناس لو مكنش سمع لكلام يعقوب و علشان ياكل منه طبق عدس مكنش خسر بوكريته .

يهوذا لو مكنش سمع لكلام الناس و راح باع يسوع و سلمه مكنش راح أنتحر و خسر حياته و أبديته .

بيلاطس لو مكنش سمع لكلام الناس و ظلم يسوع وصلبه مكنش تم الخلاص .

متسبيش حياتك للناس تختار لك حياتك أو تقرر مستقبلك متفكرش فى كلام الناس فكر بس فى حياتك و تكون فى مشيئة الله و مخافته .

و فى النهاية ربنا كان عارف كل حاجة و دبر كل حاجة
و ساب كل واحد يختار حياته و يمشى طريقه حسب قلبه و فكره و على حسب قلب كل واحد كانت بركته أو نهايته