| |
|
|
|
|
|
||||||
|
|
أدوات الموضوع | انواع عرض الموضوع |
|
#1
24 - 09 - 2021, 07:30 AM
|
||||
|
||||
|
فنكش في المدرسة  ماما : انت جيت يا فنكش ؟ فنكش لسه راجع من المدرسة فنكش : لأ لسه مجتش هاهاهاها، أيوة أما ده كان حتة يوم ماما : طب يلا يا حبيبى ادخل غير هدومك، عشان أحطلك تاكل. فنكش : أيوة، وبعد كده بقى ألعب بلااااااى ستيشن ! ماما : لأ يا فنكش، الكلام ده كان فى الأجازة ! بعد الأكل هاتنام شوية بعدين تشوف الواجبات اللى وراك. فنكش : لأ لأ لأ، أنا الواجبات ممكن عادى أعملها فى الفسحة بكرة، معنديش غير واجبات عربى وحساب والاتنين بعد الفسحة، أحمدك يااااارب ! ماما : لأ طبعًا ! لأنك لازم تذاكر الأول عشان تعرف تحل الواجب ! وكمان أكيد هاتكروته ! فنكش : يا ماما، مية مرة أقولك مسمهاش كروتة ! اسمها فقاقة، شطارة،فهلوة ! ماما : وافرض بقى يا فقيق انك معرفتش تحل الواجب بكرة ؟ يبقى ايه الحل ساعتها ؟ فنكش : ولا حاجة، ده موضوع سهل قوى : أنقله من صاحبى كتكت ! المهم أنى دلوقتى ألعب بلاااااى ستيشن ماما : بس كده غلط يافنكش ! فنكش : ليه بس يا ماما ؟ ما أنا هاستأذن كتكت الأول، مش هاخذه من وراه ولا حاجة ! ماما : أيوة، بس أنت هاتكون معملتش أى مجهود ! فنكش : مش مهم، كده كده الميس مش هاتعرف ! هى هاتعدى تلاقى الواجب محلول، وبس كده ! ماما : بس عارف يافنكش، الكتاب المقدس مبيقولش كده، بيقول أن اللى بيجتهد هو اللى بيكسب فى النهاية لكن الكسل عمره مابيفيد صاحبه ! فنكش : يكسب ازاى بس ! ده هايقعد طوووووول اليوم يذاكر ! ومش هايلعب بلااااااى ستيشن خالص ! ماما : مين قال كده ؟ فنكش : انتى ! مش قاعدة تقوليلى لازم تذاكر الدروس بعدين تحل واجبات الدروس ! وبعدين طبعًا هانام بدرى عشان أصحى بدرى...... يتكلم بزعل ماما : لأ لأ يافنكش، انت فهمت غلط ! أنا قصدى أننا لازم ننظم وقتنا صح ! كل حاجة ليها وقت ! فنكش : أيووووووة، وده وقت البلااااااااى ستيشن ! ماما : تانى يافنكش ؟!!! لأ طبعًا لأن فى أولويات ! فنكش : أولويات ؟ أولوووووليات ؟ ايه دى ؟ أكلة ؟ ماما : لأ يا سى فنكش مش أكلة طبعًا ؟ فنكش : تبقى أكيد حاجة ليها دعوة بالتليفونات، مش أولها ألوووو ؟؟ ماما : برضه لأ، أولويات يافنكش يعنى فيه حاجات أهم من حاجات، يعنى المذاكرة أهم من البلاى ستيشن، يبقى لازم تذاكر الأول ولما تخلص تبقى تلعب على البلاى ستيشن. فنكش : طيب وامتى أكلم اصحابى وأعمل شاتينج معاهم، أنا كده مش هالاقيلهم وقت !! chatting ماما : يافنكش مش لازم تقعد تكلمهم بالساعات وانت وراك مذاكرة ! بعد ما تخلص اللى وراك كلمهم واسأل عليهم من غير ما تطول. خلاص اتفقنا ؟! فنكش : اااااه، وطبعًا أنى أقرأ فى الكتاب المقدس أهم من المذاكرة، ولا إيه يا ماما! (بخبث كده) ماما : فى دى بقى، عندك حق يا فنكش ! فنكش : خلاص أنا هاروح أغير بقى عشان يدوبك ألحق أقرأ فى الكتاب المقدس وأذاكر وبعدين ألعب بلاااااى ستيشن وأكلم أصحابى. 
|
|
قد تكون مهتم بالمواضيع التالية ايضاً
|
||||
| الموضوع | كاتب الموضوع | المنتدى | مشاركات | آخر مشاركة |
| اسكتش صغير تحضير شنطة المدرسة لاول يوم دراسة والوقايه من كورونا | walaa farouk | أفكار جديدة للخدمة | 1 | 15 - 01 - 2022 05:02 PM |
| قصة برج بابل ( اسكتش للاطفال ) | walaa farouk | أفكار جديدة للخدمة | 0 | 23 - 03 - 2021 01:45 PM |
| اسكتش قصة زكا ( للاطفال ) | walaa farouk | أفكار جديدة للخدمة | 0 | 23 - 03 - 2021 01:38 PM |
| فنكش وملاك عيد الأم(اسكتش للاطفال) | walaa farouk | أفكار جديدة للخدمة | 0 | 20 - 03 - 2021 05:57 PM |
| هدية عيد الأم (اسكتش للاطفال) | Marina Greiss | أفكار جديدة للخدمة | 0 | 10 - 07 - 2012 10:29 AM |
العرض الشجري