|
 |
 |
 |
|
رقم المشاركة : ( 1 )
21 - 08 - 2021, 02:33 PM
|
|||||||||||
|
|||||||||||
|
القبول الغير مشروط العين اللي هتشوفني وتشوف روحي وجسدي بدون ما تتغير ما يظهر فيها اي امتعاض او ضيق او شعور سلبي.. وهيظهر فيها شعور بالرضا والانبساط وهيستمر معاها الاعجاب بيا مستمر.. والشغف والاهتمام ما بينقصش .. العلاقات الصحية الشافية هي القدرة والرغبة في التعري والتكشف أمام الآخر دون خوف من رفض أو هجر أو إشعارنا بالخزي والخجل والكسوف من نفسنا.. ونفضل مطمنين بقبولهم اللي متغيرش.. اللي ما اختفاش .. لإنه من الأول مش حاطط شروط عشان يمنحه لينا.. مش حاطط شروط للإعجاب بينا ولمحبتنا ومشاركتنا وصحبتنا التكشف والتعري قدام المحب والمحبوب.. مش بس نزع ملابسنا اللي ساترانا وساتره عيوبنا ومجملانا... مش بس عدم الخوف من رد فعله لما يشوف ندوب جروح قديمة او تغير في لون الجلد او ملمسه او خطوط الجلد والسليوليت او شكل الجسم وتهدلاته .. أو الكرش...الخ بدون ما نحس بخجل وخزي اننا اطلعناه عليها التكشف والتعري قدام المحب والمحبوب هو نزع الاقنعة المزيفة اللي لابسينها طول النهار قدام الناس .. مكياجات تجملنا ومثاليتنا وكمالنا وحلاوتنا... دفاعاتنا النفسية اللي بنحاول نتدارى وراها... تصنعنا وتكلفنا وادعاءتنا وزيفنا.... كتمانا لاسرارنا وتاريخنا اللي مش حابينه.. إننا نكشف الستار عن روحنا وجوهرنا ونسمح له بالولوج جوانا ورؤيتنا من الداخل بعيوب الروح وندوبها وتشوهاتها وخطوطها والسليوليت اللي فيها وترهلاتها الخ.. يشوفهم ويفضل الرضا والاعجاب والحب والرغبة في الصحبة والرفقة والمشاركة التعري والتكشف معناها اننا مش خايفين نتشاف زي ما احنا معندناش حاجة نتكسف منها ونخبيها.... معناها اننا كاملين وحلوين وعاجبين وغاليين ومتشافين ونتحب .....زي ما احنا....وبس الحب مشبع وآمن وشافي وجميل ومساعد على النمو والاكتمال... لما يكون كدة 
|
|
| قد تكون مهتم بالمواضيع التالية ايضاً |
| الموضوع |
| الحب الغير محدود والغير مشروط |
| القبول الغير مشروط |
| شكراً يارب ع الحب الغير مشروط |
| طريق الحب و القبول الغير مشروط |
| الحب الغير مشروط نعمه |
العرض الشجري