العذراء لسيدة مسلمة متخافيش هتربي بناتك

[walaa farouk]

العذراء لسيدة مسلمة متخافيش هتربي بناتك::::
هحكلكم معجزه عملتها الست العدرا انا وكل الجيران شاهدين عليها ..
كان في جرتنا ام صابر ..
ام صابر مسلمه ست جميله انا بحبها جدا ..
بس ام صابر كانت لما بتشوف صور العدرا في بتنا كانت تقولنا دي بدع و شفعتها بتعتكم ليها دي بدعه انا كنت وقتها ف ٣ اعدادي
انا و ماما مكنش بنزعل منها كنا بنقولها ياستي احنا بتوع البدع ونضحك وناخد الموضوع بهزار....
المهم ام صابر جلها سرطان انا وماما قلبنا وجعنا اوي عليها ومكنش قدمنا غير أن احنا نصلي لربنا ونطلب من العدرا تشفيها وكنا بنقول كده للعدرا انتي قدها ياعدرا وتقدري تشفيها واثقين في حنانك وعطفك وطيب قلبك ومحبتك للبشر كلها وكنا لازم نولع شماعه قصاد صوره العدرا باسم ام صابر ..
انا جبتلها صوره العدرا بس كنت خايفه ادهالها تزعق فيا أو تحرجني بس قولت حتي لو ده حصل انا حبي للست دي اكبر بكتير من كده روحت خبط ع ببها وانا نبض قلبي سريع حسه قلبي هيقف .. فتحت الست ام صابر وكانت بتعيط ..
اختها في حضني
بقولها بتعيطي ليه متخفيش يا حبيبتي
قالت لي خايفه اموت، انا مش خايفه من الموت نفسه، انا خايفه ع بناتي اكيد جوزي هيتجوز بعد موتي وياعالم مرات ابوهم هتعمل فيهم ايه انا قلبي محصور ع اولادي ..
اختها في حضني وفضلت اعيط واقولها لا مش هتموتي والعدرا هتعمل معاكي معجزه
اتفجات من ردها ..
لاقتها بتقولي انا بتشعبط في رضا ربنا والعدرا تقدر انا حسه بنعمه وسلام انا طلبتها ...
انا فرحت اوي لدرجه كان نفسي ازغرط بس قلبي كان بيزغرط ويرقص من الفرحه مع أن لسه مفيش معجزه حصلت بس كان ايماني غالب بأن العدرا هتعملها ..
بعد اسبوع لاقينا ام صابر بتخبط علينا ماما فتحت سمعت صوت ام صابر بتقول لماما العدرا جتني انا قومت بتشقلب من ع السرير طلعت اجري عليها قولتلها احكي بسرعه قالتلي دي جميله اوي جات انا اتخضيت اول ما شوفتها قولت بسم الله الرحمن الرحيم
العدرا قالتلي متخفيش وانتي هتربي بناتك متخفيش بصوت حنين وسلام داخل قلبي .. انا هروح اعمل اشعات تاني وتحليل..
انا روحت معها ..
و الاشاعات طالعت زي الفل مفيهاش حاجه ..
ام صابر عملت ندر للست العدرا الجوهره
كل سنه لازم تروح الكنيسه وتودي الندر..
ام صابر جابت بنت تلاته وسمتها مريم ..
ام صابر اول ما تدخل شقتها تشوف صوره العدرا 👑
احنا عزلنا من بيتنا القديم ..
بس انا روحت بيت ام صابر من شهر عشان وحشتني واطمن عليها وبصراحة كنت عايزه اعرف بعد العمر ده المرض جلها تاني...
اول ماروحت اخدتني في حضنها وقالتلي تعالي يابنت العدرا انتي .
الكلمه هزت قلبي بنت العدرا👑
سالتها طمنيني ع صحتك قالتلي اللي تشيلوا العدرا مستحيل يرجع تاني هي قالت لي انا اللي هربي بناتي وانا خلاص مؤمنه بده
ولسه ولحد ما اموت هوفي الندر ..
الست العدرا عملت معايا جميل عمري ما انسي
وعلي فكره الست العدرا بتعتنا زي ماهي بتعتكم 👑👑👑
العدرا تفرح قلوبكم اطلبوها تجدوها في الحال وعن تجارب كتير💙
يا امنا العدرا احنا اولادك