الأستاذ شعلة🔥 والأنسة قنبلة 💣

[walaa farouk]

الأستاذ شعلة🔥 والأنسة قنبلة 💣، تعرفهم، شوفتهم قبل كده؟!🤔
طب أعرفك عليهم دول يا سيدي الناس اللي بتدي لنفسها الحق
أو بتلتمس لنفسها الأعذار أنهم لما يغضبوا يغلطوا عادي جداً
ما هو غضبان بقى ويقولك انا مابشوفش قدامي وانا غضبان😡..
على أساس ان ده مبرر يعني!! 😏
بس الكتاب المقدس كان واضح جداً في الحتة دي
وقال: "اغضبوا ولا تخطئوا" ماقالش متغضبوش
لأن الغضب شعور طبيعي نحس بيه لكن قال أن ده مش مبرر للغلط..

علشان كده أشجعك ماتخزنش
وماتجترش الغضب جواك
لكن درّب نفسك تعبّر عن غضبك بلياقة وأحترام😌..

ممكن تحتاج تسكت شوية وتفكر قبل ما تتكلم..
أشجعك كمان تاخد وقت في محضر الله وتقوله ساعدني ماخسرش اللي قدامي بغضبي علمني أعبّر عن غضبي بما يليق بأبن ليك🙏..