اتأكد قبل أي خطوة

[walaa farouk]

اتأكد قبل أي خطوة

اللي يحط مصلحتك قبل مصلحته او زي مصلحته
، عملة نادرة الوجود ، لو لقيت حد كده، اوعي تفرط فيه ..

لكن بعد سنوات العمر الطويلة في عشرة الناس
، ح تكتشف حقيقة مؤلمة ..

ح اقولها و رزقي علي الله !!

غالبا اللي بيحكم العلاقات "المصالح" ، باستثناءات طبعا !!

تلاقي ٢ عملوا صداقة (طبعا مش كل ٢)
و قربوا من بعض جدا ، و السبب ان فيه مصالح بينهم ..
سيب حبة وقت ، لو المصالح راحت ، غالبا (طبعا مش اكيد )
واحد منهم ح يدور علي حد تاني ، معاه مصالح اكتر منك
، و يقرب منه و يبعد عنك ، و الدنيا دوارة !!

و صدق من قال : لا يوجد حب دائم و لا كره دائم
، إنما توجد مصالح دائمة ..

طيب و الدرس ؟؟

و انت بتعامل الناس ، افهم بس طبعهم علشان ترتاح و تريح .
لما تلاقي حد بعد عنك ، ما تزعلش في نفسك و لا تلومه ؛ اعرف و قدر ان مصلحته معاك مش ملحة في الوقت الحاضر .

و برضه لما تلاقي حد قرب منك قوي بشكل مبالغ فيه ،
اتأكد بس انه مش عاوز منك مصلحته و ح يسيبك علي اول ناصية لما يلاقي مصلحته مع غيرك ، (طبعا من غير وسوسة )؛
ما ترميش كل تقلك و ما تديش كل سرك .
شوية حرص و حكمة علشان برضه ما تتصدمش ..

و برضه صدق اللي قال : الناس زي موج البحر ، شوية مد و شوية جزر .