بيخبرو عن صبي زغير عم يتشكّى انّو ما بدّو ياكل اليوم كمان بازيلّا و رز متل مبارح. قالتلو امّو: لازم نخلّصن حرام ما فينا نكبّن في كتير ناس ما عندن اكل. اتطلّع الصبي عا صورة مريم و يسوع و سأل امّو: ماما، العدرا كمان ما كانت تقبل يسوع ما يخلص صحنو و كانت تقلّو لازم ناكل كل شي؟ قالتلو امّو: اكيد، و هوّي كان يسمع كلمة امّو!
ببداية الشهر المريمي المبارك علمينا يا مريم نقدّر نعم الله بحياتنا من لقمة الخبز لأكبر النِعَم... تشفّعيلنا، خلّي بخّورك يعبق بكل بيت، كوني رفيقة كل عيلة بتكرمك ببيتها، لفّي لبنان المكرّس لقلبك بتوبك... يا امّنا السماويّة اغمرينا بالسلام و الحب و الأمل و الرجا بشهرك المقدّس و كل يوم...
02 - 05 - 2021, 06:06 PM
العرض الشجري