حصريا أكبر سير للقديسات على النت بالصور

[Mary Naeem]

الشهيده مهرائيل ( مهراتى )








اتولدت فى القرن الرابع الميلادى من ابوين بيحبوا بابا يسوع باباها كان اسمه ابونا يوأنس و مامتها اسمها ايلاريه من بلد اسمها طموه فى محافظه الجيزه و كانوا مبيخلفوش و كانوا بيصلوا ان ربنا يديهم طفل و لكن الأنبا بيصاري أسقف منف تنبأ ليهم بأن ربنا هيعطيهما اطفال
و كبرت مهرائيل و هى عايشه حياه التقوى و كانت مواظبه على الصلاه و الصوم و فى لما كملت 12 سنه زارتها ماما العدرا فى بيت باباها ابونا يوأنس و قالت له : "إنني جئت إليك بسبب ابنتك مهرائيل أدعوها إلى عرس ولدي إلى مدينة أورشليم السمائية حيث لا جوع ولا تعب ولا عطش بل تكون في الفرح والسرور الدائم" فقال لماما العدرا ان ازاى ده هيحصل فى أرض بعيده و غريبه ؟! فقالت له ماما العدرا : "حي هو الرب الإله ضابط الكل إني بعد نياحة ابنتك سوف أرسل جسدها إليك لتدفنها في أي موضع تختاره"
و دهنت ماما العدرا الشهيده بعطرٍ و كان بيجرى على ايديها المعجزات ..
و فى يوم و هى بتملىء جره المياه من النهر شافت ناس مربوطين بالقيود فسألت الجنود و قالتلهم انتوا واخدينهم ليه.. هما عملوا ايه؟ راح واحد من الجنود قالها علشان دول بيحبوا و يعترفوا ببابا يسوع قالتلهم و انا كمان بحب بابا يسوع فخدوا معاهم .. و لما شافها الوالى استصغر سنها و قال مينفعس اعذب طفله .. و كان بيهاودها و يقنعها انها تسيب بابا يسوع و لكنها كانت مُصره على كلامها و ثابته عليه فامر الجنود بربطها و انهم يحطوها فى صندوق مليان تعابين و يرموها فى النهر فسارت المركب ثلاثة أيام والقديسة بداخل الصندوق تسبح اللهو بعد كده ظهرلها بابا يسوع و هو بيقولها وعده ليها و بعد فتره توقفت المركب فى بلد طموه ف راحو الجنود علشان يجيبوا اكل و لما رجعوا شافوا نور قوى فأحضروا أهل البلد وشافوا النور ده فأخبر الجنود أهل البلد بما حدث مع الشهيدة مهرائيل ثم حضر أبوها القس يوأنس مع جمع كبير من أهل المدينة وأخذوا جسدها وكفنوه بكرامة ونقلوه من هناك وبنوا كنيسة فوقه وكانت تجرى منه آيات وعجائب كثيرة.



معنى اسم مهرائيل بالعربيه معناه سلامه الله
دفنت فى طموه بلدها واتبنت كنيسة على إسمها و زارها الشهيدان أبادير وايرينى أخته
كان لها كنيسة أخرى فى مصر القديمة عند بركة الحبش إندثرت فى القرن 11
نشرت سيرتها أول مرة سنة 1984/ ثم أعيد نشرها بتوسع 1995م من واقع
عيد استشهادها كان من كام يوم كان يوم 14 طوبه / 22 يناير
في عهد الإمبراطور قسطنطين أمر ببناء كنيسة باسمها في طموه وعيد تكريس كنيستها 22 مسرى / 28 اغسطس و حط فيه جسدها الطاهر
و استشهد اخوها اباهور السيرقاوسى 12 أبيب / 19 يوليو و عُرف بهذا الاسم لوجود جسده فى بلده السرياقوس ( القليوبيه )
و هنلاقى فى صورها انها كانت ماسكه جره ماء .. اللى سابتها فى الأرض علشان تروح تعترف بإسم بابا يسوع
و هنلاقى تحت رجليها ثعابين و ديه الثعابين اللى اتحطت فى الصندوق اللى استشهدت فيه و كان فى ايدها صليب
معروف عن الشهيده انها شفيعه المرضى


و ده فيلم الشهيده











وعد بابا يسوع للشهيده
_____________
سلام لكِ يا شهيدة، يا قديسة. السلام لمهرائيل النقية. هوذا قد أوصلتك إلى بيت أبيكِ القس يوأنس حسب ما وعدت به والدتي. والعطر الذي سكبَته على رأسِك والدتي أنا أجعل رائحته في جسدك إلى انقضاء أجيال. وكل من يبني كنيسة على اسمِك أكتب اسمه في ملكوت السماوات. وكل من يسمي ابنته على اسمِك أحفظه من كل سوء"
اكسيا اكسيا اكسيا تى اجيا ماريا تى بارثينوس
اكسيا اكسيا اكسيا تى اجيا امى مهرائيل