زوّادة اليوم: التواضع : 8 / 4 / 2021 /

[souad jaalouk]

زوّادة اليوم: التواضع

مين مِنّا ما بيعرف القدّيسة الأم تريزا دي كالكوتا و قدّيش ساعدت ناس و قدّيش ساهمت بإمكانيّات كتير قليلة بتفرّح قلوب كتيرة! هيّي اللي رفضت تحضر حفل جايزة نوبل و طلبت المصاري يروحو للفقرا، هيّي اللي كانت تتقاسم اكلاتها مع اي حدا بتلتقي فيه، هيّي اللي سافرت عا آخر الدني تا تجيب مساعدات، هيّي اللي بلّشت من الهند و صارت قدّيسة للعالم كلّو! بتعرفو قدّيش كان حقّو توبها الأزرق اللي بتشوفوه بالصور؟ دولار واحد بس! تياب رخاص عا جسم شخص قلبو بيِسوا كنوز و جواهر العالم كلّو! يا رب علّمنا التواضع، علّمنا نحبّ و نخدم بعضنا، علّمنا نقشع اكتر من المظاهر، علّمنا نعرف نفوت عالقلوب و نقرا من العيون و نحبّ من قلب لقلب بدون ما نهتَم بأي شي تاني علمنا نكون متلك انت يلي حبيتنا و متت كرمالنا وانصلبت ما من حب اعظم من ان يبذل احد نفسه عن الآخرين . والله معكن.
المسيح قام حقا قام ونحن شهود على ذلك.