|
 |
 |
 |
|
رقم المشاركة : ( 1 )
06 - 04 - 2021, 10:23 PM
|
|||||||||||
|
|||||||||||
 زمان قابل السيد المسيح راجل صعب جدا الناس كانوا بيقولوا عليه مجنون!، مكناش نعرف إيه مشكلته بالظبط؟ هل مرض نفسي بس ولا ساكناه أرواح شريرة بس ولا الاثنين مع بعض! لكن الأكيد إنه كان مؤذي لنفسه وللي حواليه كان بيعور نفسه بالطوب ومكانش بيلبس هدوم في عز البرد وكان بيأذي الناس اللي حواليه كمان فكانوا بيربطوه بسلاسل طول الوقت.. كانت فعلا حالته صعبة أوي ومحدش كان عارف يعمله حاجة. الراجل دا اول ما شاف السيد المسيح معدي صرخ يناديه، إلتفت إليه السيد المسيح وشاف حالته الصعبة دي وتحنن وأشفق عليه، لكن الموضوع موقفش لحد هنا لكن السيد المسيح بسلطانه على الأرواح والنفوس والأجساد أمر الأرواح الشريرة اللي كانت ساكناه تخرج منه، منعرفش إيه اللي حصل تاني جواه لقلبه ونفسيته وذهنه لكن النتيجة كانت واضحة إن نفس الناس اللي كانوا بيحتقروه وخايفين منه عدوا عليه لقيوه "جالسا ولابسا وعاقلا"! (مرقسظ¥) صديقي مهما كانت حالتك النفسية او الروحية أو كان نوع المرض أو الإكتئاب اللي عندك، مهما كنت مُقيد بإدمانات كأنك مربوط بسلاسل أو مهما كنت فاقد السيطرة على أمور في حياتك خَلت الناس تحتقرك، مهما كُنت وحيد ومكتئب وتعبان وبتأذي نفسك واللي حواليك أو حتى لو كانوا اللي حواليك او اقرب الناس ليك شايفينك مجنون! .. المسيح قادر يتعامل مع احتياجك وحالتك أيا كانوا، تعالى جرب لو مش مصدق. �� 
|
|
| قد تكون مهتم بالمواضيع التالية ايضاً |
| الموضوع |
| قادر أن يرى احتياجك ويُشبعك ويكفيك |
| سأتعامل مع الناس كما يتعامل معي سيدي المسيح |
| المسيح يتعامل مع أي انسان برقه |
| المسيح يتعامل مع أي انسان برقه |
| كيف كان يتعامل المسيح مع الاطفال |
العرض الشجري