24 - 03 - 2021, 09:14 PM
|
|
|
|
..::| الإدارة العامة |::..
|
|
|
|
|
|
مذكرات في الرفق بالكلاب
كتب كلب جواب الي جمعية الرفق بالموجوعين يقول :
مش ذنبي اني اتولدت في الشارع ، و لا ذنبي ان الناس بتخاف مني ..
انا لا لي حول و لا قوة ، بادور بس علي لقمة تشبعني و حتة تسترني و مش لاقي
..يا دوب بالاقي وسط القمامة كام لقمة، و فين لما حد يحن علي و يرمي لي بقايا اكل علي الارض ..
راضي بقليلي ..
عمري ما اذيت حد ، انا بس بانبح علشان خايف منكم ..
و علي فكرة انا عارف سكان الشارع اللي انا فيه واحد واحد، و عمري ما ضايقتهم
و طول الليل بحاول احرسهم و ابعد عنهم اي حد غريب معدي ..
صوتي بيضايقكم معلش ، ده غصب عني و انا باتناقش مع بقية الكلاب نعمل ايه طول الوقت ..
اتعلمت استخبي من كل واحد لاني مش ضامن يؤذيني، بس اطمنوا انا طيب جدا
و محب جدا و ما اعرفش الغدر و اي كلمة حلوة بترضيني..
كل اللي طالبه يا تسيبوني في حالي و ما حدش يضربني
و لا يحط لي سم في اكلي و اكل عيالي ، يا اما خدوني من الشارع
في اي مكان إيواء في اي حتة و انا ح اشتغل لكم بلقمتي خدام طول عمري ..
و يا مين يحن علي ؟؟
|
